38 yaşım var. 2000-ci ildən İnternetdəyəm. Elə o vaxtlardan sayt qurma, dizayn işinə böyük marağım olub (hərçənd, ixtisasça maliyyəçiyəm). 2002-ci ildə dostlarla Azərbaycanın ilk saytlarından biri — Azerinext.com-u (daha sonra FOX.AZ adı altında fəaliyyət göstərib) yaratdıq. Sayt vasitəsilə sayt-qurma və dizayn işini öyrənib, bizim üçün yeni olan İnternet texnologiyaları təcrübədən keçirdik.

Bir çox uğurlu və effektiv layihələrin müəllifiyəm. Əvvəl daha çox əyləncə və kütləvi tipli layihələrə üstünlük verirdimsə, indi daha çox korporativ layihələrlə məşğulam.

Onlarla əcnəbi və yerli şirkətlərdə, müxtəlif təşkilatlarda çalışmışam. Hal-hazırda "STUDIO.AZ"-nin həmtəsisçisi, EURONET İsrail-Azərbaycan yatırımlı telekommunikasiya şirkətinin icraçı direktoruyam.

Bloqu açmaqda məqsədim dünyagörüşümlə bölüşüb, intellektual gənclərin fikirlərini öyrənmək olub. Elə o səbəbdən rəylərdə səviyyəsizlik, psevdopatriotluq, düşüklük edib, özünü öyən dayaz insanları həmən BAN edirəm.