Pərvin Şükürzadənin bloqu
Bu il üçün gözlədiyim ən böyük texnoloji yenilik əlbətdə ki, Apple iPad2 idi. Planşetlər şahı yeniləndi. Yeniliklər çox olmasa da, kiçik görünən əlavələr bu qadjeti daha da qiymətsiz edir.
Yeni iPad2 texniki göstəriciləri aşağıdakı kimidir:
Processor: Apple A5, 2 nüvəli 1 GHz;
Displey: 9.7 düymlüq ekran, 1024×768;
Əməliyyat sistemi: iOS 4.3;
Fleş-yaddaş: 16, 32 və ya 64 GB;
Kamera: 2 ədəd — əsas — HD kamera (720p), digər sadə VGA kamera;
Əlaqə: Wi-Fi, Bluetooth, 3G;
Çıxışlar: Apple Dock, HDMI, CCK
Ölçüləri: 242x186x8,8 mm;
Çəkisi: 601 qram (yalnız Wi-Fi-lı model) və 613 qram (Wi-Fi və 3G-li model).
iPad2 daha nazik, daha praktik (Smart Cover-i elə nəyə desən dəyər) və daha tez işləyən (istehsalçının etirafına görə düz 9 dəfə birinci iPad-dan tez işləyir) bir qadjetdir. Daha bir yenilik — qadjetin Stand-by rejimində düz 1 ay (!) işləyə bilməsidir. Super!
Qiymətləri də kifayyət qədər konservativdir:
Wi-Fi — 499$ (16GB) — 599$ (32GB) — 699$ (64GB)
Wi-Fi + 3G — 629$ (16GB) — 729$ (32GB) — 829$ (64 GB)
Mənə görə ən optimalı 32 GB-lik Wi-Fi + 3G modelidir, onun qiyməti da bizim analoqu olmayan acgözlüyimizi nəzərə alsaq, Bakıda çox güman ki, 1200-1400 manat arası olacaq. iPad 11 martdan (nə qədər banal olsa da) etibarən satışda olacaq.
Mövzuya dair forumda müzakirələr ↓
Texnoloji yeniliklər
Nifrət etdiyim və ən təkəbbürlü diktatorların birincisi Qəddafi (və ya Qəzzafi) getmək bilmir ki, bilmir. Bu azmış kimi, artıq ölkəsinə xarici qüvvələr də müdaxilə edir, Liviya az qala Əfqanıstanı xatırladır. Bütün bunlar Qərb dövlətlərinin əvvəlcədən mükəmməl şəkildə hazırladıqları plandan başqa bir şey deyil. Azadlıq ideyası gözəl ideyadır. Bu utopiya qoxulu ideya yeridilir ac və yalavac, özbaşınalıqdan cana doymuş kütlənin beyninə və kütlə də zombiləşmiş formada hərəkətə keçir. Hər kəs azadlıq istəyir. Tarix boyu belə olub, olur və olacaq. Son inqilablar — Misir və Tunis hadisələri “happy end”-lə bitdisə, Liviya hadisələri sonluğun gözlənilməz faciəvi olmasına işarədir.
Bu günlərdə hörmət etdiyim politoloqlardan biri, yerlimiz Heydər Camalın siyasi fahişə Jirinovski ilə polemikasına baxdım. Polemika zamanı Heydər bəy çox ağla batan faktlar səsləndirir. Sizləri də bu verlişə baxmağa dəvət edirəm.
Camal bəyin sözlərindən belə aydın olur ki, Qəddafi faktiki ABŞ-ın peşkasıdır və hal-hazırda elə qərbin Liviyanı növbəti Əfqanıstan, İraqa çevirmə planında iştirak edir. İnandırıcıdır. Digər tərəfdən ola bilər ki, Qəddafi indiyə kimi ABŞ-ın köləsi olub, ölkə neftini onlara içirdib, amma vaxt keçdikcə, pul artdıqca sahiblərinə daş atmağa başlayıb. Belə olan halda Qəddafi qurbandır, neft naminə qurbanlıq verilən qoyun. ABŞ isə digər dövlətlərin işlərinə qarışmıram deyib, artıq Liviyaya qoşun yeritməkdədir.
Bizimkilər isə 7 səhifəlik xüsusi zövqsüzlüklə tərtib olunmuş və şablon informasiyadan ibarət bir sayt yaradıb TV-ni zəbt ediblər. Axır bir həftədə hansı kanalı açdım — sumqait.com (domen seçərkən şəhərin adını belə düz yaza bilməyiblər) saytının təbliğat-təşviqat kampaniya gedir. Texniki cəhətdən sayt uzaq 98-99-cu illərdə ilişib qalıb, bunu sayt yaradıcılarının vicdanına buraxıram, bəs saytın kontenti? Qeyd etdiyim kimi sayt şablon və olduqca maraqsız tərzdə yazılmış bir neçə məqalə-faktdan ibarətdir. Görəsən bunlar ermənilərin hazırladığı baku.am saytını görüblər? Fikir verin, ermənilər necə səlist şəkildə olmayan faktları gerçək kimi təqdim edirlər. Bizimkilər isə olan hadisələri belə mifə çevirməkdə səlistlik göstərirlər. Əhsən.
Çünki belə olmasaydı, kişi fahişəsi və öz erməni sevgisi haqda yeri gəldi-gəlmədi bəyan edən Bedros Kirkorovun oğlu Filip Kirkorovun Azərbaycana gəlişinə etiraz bildirən daha çox olardı. Erməni olduğuna görə fəxr etdiyini dəfələrlə bildirən, hətta bu adda albom da buraxan İrina Alleqrovanı isə Bakıya gətirənlərin milliyətinə mənim böyük şübhəm var. Axı nə qədər olar?!
Mövzuya dair forumda müzakirələr ↓
Son olaylar. Nələr baş verir?!
28 Fevralda Azərbaycan BlackBerry istifadəçilərini xoş xəbər gözləyirdi — əməliyyat sisteminin yeni versiyası (BlackBerry OS6) bizim region üçün də aktiv edildi. Bunun haqqında artıq Twitterdə çoxsaylı qeydlər etmişəm. Yeni əməliyyat sistemi fərqli tərtibata, daha stabil və daha tez işləyən brauzer və bir çox faydalı yeniliklərə malikdir. Yeni sistemin Azərbaycan üçün ən böyük əhəmiyyəti isə BB telefonlarının bizim sevimli “Ə” hərfimizi tam dəstəkləməsidir!
Bəyəndiyim ən yaxşı yenilikləri qeyd edirəm:
Ümumi görünüş:
**************************************
“Ə” hərfi ilə artıq problem yoxdur:
**************************************
Hotkeys funksiyasının super realizasiyası:
**************************************
Tam yenilənmiş brauzer. Bütün yeni texnologiyaların dəstəyi:
**************************************
Yenilənmiş mail klient:
Yadımda qalan bunlar idi. 😉 Keçək əsas mətləbə. Bir çox qardaşlar zəng edib sistemi necə yeniləyin yollarını soruşurlar. Hər birinə telefonla başa salmaq məcburiyyətindəyəm, ona görə prosesi birdəfəlik bura yazmaq qərarı verdim.
Onu da nəzərə alın ki, sistem yenilənərkən köhnə OS-dən qalma bir çox əlavə proqramlar işləməyəcək, həmçinin yenilənmə zamanı da telefonun özü də deaktiv olur.
Uğurlar. 😉
Mövzuya dair forumda müzakirələr ↓
BB OS 6
Dostlar, bir neçə gündür music-azerbaijan.com-un drop olmasını gözlədikdən sonra, nəhayət bu domeni ala bildim. Əvvəlki yazılarımda qeyd etmişdim, bu domen vasitəsilə İnşallah Azərbaycan xalq mahnılarının online arxivini yaratmaq fikrim var. Bütün musiqilərə online olaraq Soundcloud-a vasitəsiylə qulaq asmaq və həmçinin bir-başa saytdan yükləmə imkanı olacaq. Saytın dizayn tərtibatı isə olduqca sadə və insanları yormayan tərzdə tərtib ediləcək. Dil variantları 4 dildə olması planlaşdırılır (daha sonra bunu artıra bilərik) — Azərbaycan, Rus, İngilis, Erməni dilləri.
İndi bu layihədə iştirak etmək istəyən bütün vətənpərvər Azərbaycan övladlarını əməkdaşlığa çağırıram. Sizdən hələlik tələb olunan — xalq mahnılarını keyfiyyətli formatda (ən azından 128 kbps) hər hansı bir yükləmə saytına yükləyib, müvafiq linklərlə rəylərdə bölüşün. Xahiş edirəm, soundCloud olmasın. Rapidshare və ya Deposit Files ola bilər. Kömək etməkdə hələ də tərəddüd edənlərə yüklədiyim bir neçə musiqinin sehirli aləminə valeh olmağa dəvət edirəm. Məgər bu gözəllikləri dünyaya çatdırmalı deyilik? Elədə isə kömək edin.
Dalgalar — Azerbaijan music
Bulbuller oxuyur — Azerbaijan Music
Apardi seller Sarani — Azerbaijan music
Gelmedin (instrumental) — Azerbaijan Music
Sari gelin — Azerbaijan music
Fayl keyfiyyəti ilə yanaşı xahiş edirəm musiqinin səslənmə və ifa keyfiyyətinə də fikir verin. Layihəni İnşallah sağlıq olsun, Aprel-May ayı üçün buraxmaq fikrimiz var.
Mövzuya dair forumda müzakirələr ↓
Online Azərbaycan xalq mahnıları toplusu layihəsi
Bu gün Müsavat-ın 100 illik yubileyidir. Ölkənin ən qocaman siyasi qurumlarından olan Müsavatı, onu təmsil edən hər bir kimsəni təbrik edib, Azərbaycan xalqı, türkçülük ideyası naminə uğurlar arzu edirəm. Qoy ulu Rəsulzadənin bizə əmanət etdiyi üç rəngli bayraq hər zaman ölkəmizdə qürurla dalğalansın.
Azərbaycan İnternetini təmsil edən proqressiv gəncliyimizlə birgə tərtib etdiyimiz Azərbaycan və Ermənistanın tarixi xəritələrinə həsr olunmuş saytlara dair istifadəçilər arasında hələlik nisbi sakitlikdir. Əslində bu bizim milli xüsusiyyətimizdir — bir şey olmadıqda — istəmək, olduqda isə — boş vermək. Hal-hazırda barmaqla sayılası qədər saytlar bu saytların təbliğat kampaniyasına qoşulub (Azerifire qardaşımıza ilk olaraq bu işdə atdığı addımlara görə atəşin salamlar). Amma saytların Google reytinqində birinci olması üçün bütün Aznet təmsilçiləri səfərbər olmalıdır. Niyə axı “azerbaijan vector map” sorğusu verdikdə, Google ilk olaraq ermənilərin tərtib etdiyi və ölkə ərazimizi təhrif edilmiş formada göstərən bir sayt çıxarmalıdır?! Saytlara (www.maps-azerbaijan.com və www.maps-armenia.com) digər saytlarda yerləşdirmək üçün müvafiq kod da yerləşdirilib. Xahiş edirəm biganə qalmayın, bu sırf Azərbaycan naminə atılan addımdır, burada nə mənim biznes maraqlarım var, nə də ki hansısa bir gizli niyyət güdmürəm.
Bu xəritə layihəsi uğurlu alınarsa, növbəti layihə Azərbaycan xalq mahnıların bir sayta yığıb FREE olaraq paylaşımını təmin etmək olacaq. Çox sadə və userfriendly interfeysdə. İnşallah uğurlu alınar.
Uğurlu demişkən — dünyada ən nifrət etdiyim diktator olan təkəbbürlü Qəddafinin uğur quşu 42 il qəddarlıqdan sonra deyəsən onu tərk edib. Şərəfsiz artıq 300-ə yaxın cavanı qanına qəltan edib, amma getmək bilmir. Bu gün Euronews-da maraqlı bir xəbər yayımlandı — polis özbaşnalığından cana gəlmiş xalq onlara atəş açan iki polisi diri-diri yandıraraq asdı. Xalqla zarafatın axırı budur.
Bizim xalqı isə bu saat Facebook-da LİKE söhbəti maraqlandırır. Yeni milli dilənçilik növü peyda olub — indi də “like” dilənirlər. Day zəhləmimi töküblər — 2 dəqiqədən bir sən Allah filankəsin şəklidir, bunu “like” elə, lazımdır… və ya Qurban olum, bu şəkli birinci etmək lazımdır, bunu “like” elə. Lap elədik “like”, nə oldu? İnsanlara xoşbəxtlik üçün bir “like”-da yetərmiş. Əhsən.
Mövzuya dair forumda müzakirələr ↓
Son olaylar. Nələr baş verir?!
Düz iki həftədir ki, üzərində çalışdığımız və demək olar ki, mövcud bütün tarixi xəritələri araşdırmamızın məntiqi nəticəsinə gəlib çıxdıq. www.maps-azerbaijan.com və www.maps-armenia.com saytları artıq istifadə üçün hazırdır.
Qısaca olaraq layihə haqda — hazırladığımız bu iki sayt bu iki erməni saytlarına — www.map-azerbaijan.com və www.map-armenia.com, ermənilərin dövlət sərhədlərimizi, ərazimizi təhrif etməsinə cavab olaraq yaradılıb. Dövlət ərazimiz bir yana, bədnam qonşularımız dövlət gerbimizin də rənglərini səhv tərtib ediblər. Həmçinin bayrağımız da təcavüzə məruz qalıb — ay və ulduzun görünüşünə, mavi rəngin təhrif edilərək təsvir edilməsinə fikir verin. Nəsə. Buna cavab olaraq bizim yaratdığımız Azərbaycan xəritəsi 1920-ci ildə L. Qurniçin Azərbaycan Cumhuriyyətinin sifarişi ilə çəkdiyi xəritəni təkrarlayır. Həmçinin saytda müasir Azərbaycanın itirilmiş torpaqları, düzgün rənglər və proporsiya ilə təsvir edilmiş gerb və bayrağımız da yer alır.
Saytın Ermənistan üçün hazırlandığı versiyada Ermənistan 1920-ci il sərhədlərində göstərilib. Müasir Ermənistan xəritəsi isə işğal olunmuş Azərbaycan torpaqları qeyd olunmaqla təsvir edilib. Həmçinin erməniləri daha da qıcıqlandırmaq üçün (və xarici istifadəçilərdə sayta inam hissi oyatmaq üçün) 20-ci il erməni ərazisinin üzərində erməni bayrağı da təsvir olub. =) Bayraq və gerblərində bəzi elementlər (məsələn xaç — ay ulduzla) dəyişdirilib, rənglər daha solğun təsvir edilib.
İndi ağzı gül kosmopolitlər deyəcək ki, axı niyə?! Bunun nə mənası?! Cavabı — gün ərzində sayta N qədər bu konflikdən və ümumiyyətlə regiondan xəbəri olmayan insanlar daxil olub bu xəritələri öz sayt və nəşrlərində istifadə edə bilərlər. Məhz ermənilərin bu kimi layihələrinin köməkliyi ilə bir çox İnternet resurslar bizim ölkəni təhrif edilmiş formada təsvir edirlər. Ermənilər edirsə, biz niyə etməyək?! Axı tarixi torpaqlarımızdan niyə imtina etməliyik? Kimə görə?!
Məsələnin texniki tərəfi həqiqətən çox çətin oldu. Demək olar ki, dostlarımız və kömək çağırışına qatılan qardaş və bacılar tərəfindən yalnız şəkil formasında xəritələr təqdim edilirdi. Vektor formatında (kompüterdə işləmək üçün yararlı və keyfiyyətli) xəritələrimiz yox dərəcəsindədir. Dəhşət. O səbəbdən xəritələr bir-bir Adobe Illustrator proqramında yenidən yaradılıb. İnşallah, ümüd edirəm bu saytlar vasitəsiylə bu problemi qismən də olsa aradan qaldırmış olacağıq. Bütün xəritə, gerb və bayraq növlərin müxtəlif ən populyar və işlək formatlarda təqdim olunur — Adobe Illustrator (AI), EPS, Corel Draw (CDR), Adobe Acrobat (PDF), Adobe Flash (SWF), JPG, PNG.
Saytlarla bağlı fikir və iradlarınızı bilmək istərdim. Nəsə çatışmayan cəhət varsa, buyurun, birlikdə aradan qaldıraq.
Sonda — bu işin ərsəyə gəlməsində əməyi keçmiş bütün insanlara — Kərim Həsənov, İlqar Kəsəmənli, Pərviz Poluxzadə, Ramil Həsənov, Samir Quliyev, Rzalı Əkbərov, Orxan, Azad Bagirov, Malik Rəşidov, Sahil Novruz, Fariz Efendiyev, Ayaz Quliyev, Saleh Mirməmmədov, Atropat, Milashka, Karandash, Samsam, Regy adlı istifadəçilərə dərin minnətdarlığımı bildirirəm. Kimin adın unutdumsa, bağışlayın. Allah bizdən razı olsun!
Sizi bu saytları (www.maps-azerbaijan.com və www.maps-armenia.com) İnternetdə yaymağa dəvət edirəm — nə qədər çox yaysanız, o qədər Google axtarış nəticəsi olaraq bu saytları birinci göstərəcək (erməni saytlarına nisbətdə). Şəxsi qərəzlik və ambisiyalarınızı qoyun kənara, vətən daha vacibdir, kömək edin!
Çoxdan idi bloqda bir şey yazmırdım. Səbəbi havadır. İsti və eyni tipli dəyişməz hava bütün əsəblərimə işləyirdi. Amma bu gün gecikmiş də olsa, qış özünü göstərməyə başladı. Düzdür, qar yağmaq istədi — alınmadı, amma yenə də nəsə havada dəyişiklik hiss etdik. Sizi bilmirəm, amma hava mənim əhval-ruhiyyəmə əməlli başlı təsir edirmiş. Soyuqların gəlişi ilə pozitiv enerji yığıb, yenidən bloqu aktivləşdirəcəm. İnşallah 1-2 günə qar da yağsa, olacaq “fullun fullu”. Ayağımızın altındaki qarın xışıltısı üçün yaman darıxmışam.
Hava bu gün yaxşı olsa da, Euronews telekanalının xəbəri məni birazca məyus etdi. Əfsanəvi Steve Jobs Apple-dan müddətsiz xəstəlik məzuniyyəti götürərək gedib. Səbəb — Stivin kəskin xərçəng xəstəliyindən əziyyət çəkməsidir. Hətta bir neçə il öncəki Stivlə indiki Stiv arasında fərqi də göstərdilər — canlı əfsanə gözlə seziləcək dərəcədə əldən düşüb. Bununla da hesab edirəm ki, Apple tədricən zəifləyəcək. Əlbət ki, Apple korporasiyası bunu inkar edəcək, hətta əsaslar da gətirəcək ki, gəlirləri artıb və daha nələr… amma Microsoft-un timsalında baş verən hadisələr göstərir ki, şirkətin banisi, ona can yandıran lider getdikdən sonra şirkətin işləri elə də yaxşı getmir. Bill Gates Microsoft-dan getdikdən sonra şirkət bütün sferalarda öz pozisiyasın itirməkdədir. Eyni hadisə bir dəfə Apple-ın başına gəlib, Steve-in bu sayca ikinci gedişidir. Birinci gedişdən də sonra özünə arxalanan Apple çökməyə başladı və məhv Steve-in qayıdışından sonra şirkətə yeni nəfəs gəldi və yeni zirvələri fəth etdi. İndi Steve yenə gedir. Görünür bu dəfə o həmişəlik gedir. Əlvida Steve. Sən bizi tanımasan da, biz sənin işgüzarlığına, zəhmətə olan sevginə hər zaman yaxşı mənada həsəd aparmışıq. Allah köməyin olsun.
Deyirəm, bu Tunis hadisələrindən yazmayan adam qalmayıb. Artıq bütün sözlər deyilib, yazmağa bir şey yoxdur. Bəli, razıyam, diktator layiqli şəkildə ölkədən qovuldu. Bəli, razıyam, bunu xalq etdi. Amma kütlənin hərəkətə keçməsi üçün düşünülmüş şəkildə ssenari lazımdır. Çünki 20 ilin diktatorunun 3 gün ərzində ölkəni tərk etməyə məcbur edilməsi çox asan baş verdi. Maraqlıdır, ABŞ-ın bu hadisələrdə nə kimi aidiyyatı var? Yoxsa ABŞ narıncı inqilab idxalçıları “stavkanı” ediblər ərəb mənşəlli Afrika dövlətlərinə? Mütləq burada qərb dövlətlərinin əli olmalıdır. Niyə belə fikirləşirəm?! Bunun üçün elə eyni materikdə yerləşən digər ərəb dövləti Sudanın başına gətirilən hadisələrdir. Bu barədə növbəti yazılarımın birində yazacam, indi isə söz verdiyim pozitiv — şəhərin mərkəzində, Space telekanalının düz yanında (səhv etmirəmsə tədris müəssisəsinin adı “İncəsənət kolleci”-dir) “analoqu olmayan” lövhəcik. Şəkildə abırlı düşüb, amma realda 2-ci sinif şagirdinin əl işindən başqa bir şey deyil.
Mövzuya dair forumda müzakirələr ↓
Son olaylar. Nələr baş verir?!
Bloq. Bloqda dəyişikliklər etdim, amma bu keçid dövrü üçün edilən dəyişikliklərdir. Tezliklə bloqun final dəyişikliyinə başlayacam. Amma işlər həddən artıq çoxdur. Maşallah olsun. Gecə saat 3-4-də yatıb, saat 9-da durmaq məcburiyyətindəyəm. Ona görə son vaxtlar çox yorğunam. Bloqda da yazılara ara vermişəm.
Bloqda hər gün yeni yazı görməyə alışan dostlar isə gündə zəng edib nə baş verdiyini öyrənirlər. Deyirəm yaxşı ki, bu İnternet var, yoxsa dost-tanışlar bizdən necə xəbər tutardılar?! 😆 Ümumiyyətlə, İnternetin insanların (içi mən olmaqla) həyatının ayrılmaz hissəsinə çevrilməsi danılmaz faktdır. Bir gün İnternetsiz qalanda, eləbil həyatımda boşluq əmələ gəlir. İnternetoqolik olub getmişik. Bu yaxşıdı, ya yox, zaman göstərəcək, amma hələlik bütün olaylara rəğmən işlərimizlə məşğuluq.
Digər məsələ ki, Azərbaycan İnternetində önəmli bir şey baş vermir. Hər kəs biri-birindən oğurlayır, hər kəs biri-birini təkrarlamağa çalışır. İdeyalar tükənib. Kimisi dizaynda outlet fikirləşir, kimi növbəti kafe-restoran “Lounge” açır, kimisi isə bloqunun adını dəyişib edir — Hər şeydən birazca… Sonuncu iradın şahidi təsadüfən oldum — Google-da bir.az-a dair axtarış vermişdim, görəm digər bloqların yarıdan çoxu olub “hər şeydən biraz”. Pay atonan. Ay səni, ay bizim millət, sən nə olarmışsan. o:
Dünən maşınımı evakuator aparmışdı. Açığı gəlib maşını yerində görmədikdə, evakuatorların aparması versiyalardan biri idi. Axı onları məlum hadisədən sonra şəhərdə görmək mümkün deyildi. Nəsə. Maşını axtarmağa, yolda duran şahidlərdən soruşmağa başladım. Nəticəsiz. Xoşbəxtlikdən yaxında bir YPX təmsilçisini gördüm, yaxınlaşdım. “Xoş” xəbəri mənə çatdırdı — rəsmi “oğrular” yenidən aktivləşiblər. Nə qədər gülünc olsa da, amma bu aktivləşmə şəhərin əsasən yol hərəkətinin qismət intensiv olan yerlərində müşahidə olunur. Amma mərkəzdə, hərəkətin intensiv və tıxaclı olan hissəsində millət maşını 3-cü sırada belə saxlayır, gözün üstə qaşın var deyən yoxdur. Azərbaycan paradokslar ölkəsidir. Bu da növbəti paradoks.
Mövzuya dair forumda müzakirələr ↓
Son olaylar. Nələr baş verir?!
Görünür MySpace-in uğurlu rebrendinqi Facebook-un yaradıcısı və onun 26% səhmlərinin sahibi, yəhudi əsilli Mark Zuckerberg-ə rahat yatmağa imkan vermir. Belə olmasaydı, KİV vasitəsilə insanların hisslərinə təsir etmək üçün (ay camaat, baxın FB-u bağlasaq, görün sizin həyatınız necə dəyişəcək) şayiə buraxmazdı. İndiyə kimi Facebook-dan qeydiyyatdan keçməyən də, gedib qeydiyyatdan keçəcək ki, əşi görüm bu nə olan şeydir e, bu qədər hay-küy qoparıb.
Əslində Zuckerberg istəsədə şirkəti bağlamaq iqtidarında deyil. Çünki Facebook artıq böyük korporasiyadır və onun səhmləri ondan da böyük korporasiyalara (məsələn, Microsoft) məxsusdur. Məsələnin digər tərəfi — Facebookun hal-hazırki kapitalizasiyası 50 milyard dollar təşkil edir. Bu qədər kapitalı olan şirkətin öz-özünə qapadılması dünya iqtisadiyyatında nonsensdir. Maliyə sistemi isə elə qurulub ki, 50 milyard kapitalizasiya 50 milyard pul köpüyü (ifadə sabun köpüyündən götürülüb) deməkdir. Yəni Facebook-un real dəyəri daha azdır və bu 50 milyard birjalarda pay satışını artırmaq üçün süni olaraq şişirdilib. Şablon sistem belədir — məsələn, sizin 500 dollar pulunuz varsa, siz onu 500*100 düsturu ilə şişirdə bilərsiniz, nəticədə kapitalizasiya olacaq 50000$. Eynilə də Facebook (və digər korporasiyalar) fəaliyyət göstərir. 50 milyard köpüyü partladanda isə gərək bu 50 milyard nəğd pulu (!) səhmdarlara paylayasan. Amma nəzərə alsaq ki, Facebook köpükdür və real olaraq 50 millyardı yoxdu (50.000.000.000/100=500.000.000 real pulu var), o zaman səhmdarlara paylayası bir şey olmayacaq və Amerika iqisadiyyatında nəhəng bankrotlaşdırma prosedurunun şahidi olacağıq. ABŞ höküməti isə indiki həssas iqtisadi vəziyyətdə buna heç bir halda imkan verməz.
Deməli Facebook-un Mark Zuckerberg tərəfindən qapadılması səfeh bir fərziyədir.
Yuxarıda yazdığım birinci variant idi. İkinci variantda ondan ibarət ola bilər ki — bu şayəni Facebook-un rəqibləri ortaya atıb. Bu Google da ola bilər. Bildiyimiz kimi, Facebook öz şəxsi mail xidmətini buraxmaq istəyir, bu isə Google-un Gmaili üçün ölümcül zərbə ola bilər. Google bu şayəni buraxır, nəticədə Facebook-un stabil tərəfdaş və güvənilən sayt imicinə böyük zərbə dəyir. Axı kim səhər bağlanacaq saytda özünə mailbox açar?!
Mövzuya dair forumda müzakirələr ↓
Sosial şəbəkələr və biz
2010 bitdi. Hamı bu il haqda öz subyekt fikirləri ilə bölüşdü. Kimisi 2010-u söydü, kimisi təriflədi. Mənə görə 2010 ümumidə tanıtım ili oldu, insanları daha da yaxşı tanıdım, öyrəndim. İstirahət günləridir. Bu günlərdə yazmaq istəmirdim, amma Maşallah bloqun daimi oxucuları artıq zəng edib, SMS təbriklərində belə bloqu atmamağımı arzu edirlər. Bloq isə böyüyür. Gün ərzində istifadəçi sayı artıq 350 unikal İP-ni keçib. Bu hardasa 400-420 istifadəçi deməkdir. Oxucuların 96% Azərbaycandan girir. Azərbaycan reallıqlarını nəzərə alsaq, sırf bir insanın fikirlərindən ibarət və cəmi 5 ay fəaliyyət göstərən bir sayt üçün gözəl göstəricidir. Maşallah olsun. Nəsə. Bəsdi təriflədim, tərifləmək onsuz da mənə düşmür, odur ki, gəlin istirahət edək. 2010-cu ilin ən gözəl Youtube çarxlarını birgə seyr edək.
Birinci yeri bir Conter-Strike həvəskarı kimi əlbətki aşağıdakı çarxa verirəm. Super.
*****************************************
Bəs su damlasının bir neçə saniyəlik həyatının necə keçməsinin şahidi olmaq istəyirsiniz? Onda bu çarxa baxın:
*****************************************
Vizit kartları Ninja sayağı atmaq üzrə “analoqu olmayan” qaqaş. Əla.
*****************************************
Dünya pikseldə. Gözəl 3D işi.
*****************************************
Bu isə yuxarıdakı videonun daha real variantı. Uruqvaylı 3D mütəxəssisin yaradıcılığı.
*****************************************
Lego və kinomatoqrafiyanın ən qanlı filmi. 😆
*****************************************
2010-cu ilin ən kreativ klipi:
*****************************************
Doğrudan da analoqu olmayan avtomobil yarışları:
*****************************************
Uşaqlığımızın ayrılmaz hissəsi — roqatka. Müasir roqatkalar necə olur? Gəlin baxaq. Mırt video. =)
*****************************************
Və sonda… İnsan hər şeyə qadirdir (yaxşı mənada). Gəlin enerjimizi xeyirli və faydalı işlərə sərf edək, onun-bunun qeybətini qırıb, ayağının altını qazıb, işlərinə ziyan vurmayaq. Axı həyat gözəldir.
Mövzuya dair forumda müzakirələr ↓
Youtube
Rubrika: Düşmənlər
Rubrika: Sözsüz
Rubrika: Tarixi sual