Qəbələyə çatar-çatmaz hava tam döndü. Avqust ayı olmasına baxmayaraq, hava birdən ifrat soyudu — 10 dərəcə maksimum isti olardı. Bir tərəfdən də yağış yağmağa başladı + duman. Bir sözlə yayın cırcıramasından dərhal qışa düşdük. Qəbələyə gedib Qəbələnd-ə dəyməmək isə günah olardı. Biz də ənənəyə sadiq qalıb, havanın şıltaqlığını boşa verib, yollandıq müasir attraksionlara sarı.
Qəbələndin adı qabağlar Qafqaz İstirahət Mərkəzi idi (ya da buna oxşar bir şey), rəmzi də əvvəl dağlar idi, indi isə Kinder sürprizdən çıxmış Dinozavr.
![Gabaland](https://ge.parw.in/img/2011/11/qebele_01.jpg)
Dino qabağdan və daldan. =)
![Gabaland](https://ge.parw.in/img/2011/11/qebele_08.jpg)
Qəbələnd-də (elə Qəbələ rayonunun özündə də) ideal təmizlik hökm sürür.
![Gabaland](https://ge.parw.in/img/2011/11/qebele_06.jpg)
![Gabaland](https://ge.parw.in/img/2011/11/qebele_05.jpg)
![Gabaland](https://ge.parw.in/img/2011/11/qebele_04.jpg)
![Gabaland](https://ge.parw.in/img/2011/11/qebele_03.jpg)
Fikirli meymun (arxadan)
![Gabaland](https://ge.parw.in/img/2011/11/qebele_02.jpg)
Vətənpərvər karusel
![Gabaland](https://ge.parw.in/img/2011/11/qebele_07.jpg)
Qəbələ təkcə Qəbələndin vətəni deyil, Qəbələ həmçinin qədim Qafqaz Albaniyasının paytaxtı olub, odur ki o qədim şəhərin axtarışına çıxdıq. Sən demə o qədim şəhərin xarabalıqları bizim dövrə kimi kifayyət qədər salamat şəkildə qorunub (təbiət sağolsun) saxlanılıb və Çuxur Qəbələ adı altında mövcudiyyətini davam etdirir. Beləliklə, yola düşdük Çuxur Qəbələyə. Bakıdakı digər çuxur — Qaraçuxurdan fərqli olaraq, Çuxur Qəbələyə ideal asfaltlanmış yol aparır. Çatdıq. Qədim şəhər hər tərəfdən sıldırım qayalarla əhatə olunan 12 hektarlıq təpənin üstündə yerləşdiyindən ora maşınla qalxmaq alınmadı, yer həddən artıq sürüşkən idi. Bir qid tutub, piyada qalxdıq təpəyə.
![Chukhur Gabala](https://ge.parw.in/img/2011/11/qebele_10.jpg)
Təsadüf elə gətirdi ki, gəlib arxeoloji qazıntıların düz üstünə çıxdıq. Sən demə, hər 1-2 ildən bir burada kiçik arxeoloji qazıntılar aparılır. Səbəbini soruşdum — dedilər ki, bəs bu qazıntılar əslində elm üçün deyil, turist axını üçün aparılır. Biraz qazılır — turistlər gəlib baxırlar, sonra qışda qazıntıları su yuyub aparır, gələn yay mövsümündə isə yeni bir yeri qazırlar. Azərbaycan sayağı analoqu olmayan arxeoloji qazıntılar buna deyərlər. =)
![Chukhur Gabala](https://ge.parw.in/img/2011/11/qebele_09.jpg)
![Chukhur Gabala](https://ge.parw.in/img/2011/11/qebele_11.jpg)
![Chukhur Gabala](https://ge.parw.in/img/2011/11/qebele_12.jpg)
![Chukhur Gabala](https://ge.parw.in/img/2011/11/qebele_13.jpg)
![Chukhur Gabala](https://ge.parw.in/img/2011/11/qebele_14.jpg)
Qədim şəhərin qədim qala divarları
![Chukhur Gabala](https://ge.parw.in/img/2011/11/qebele_15.jpg)
Qala divarlarında gizli keçid. Deyilənə görə düşmən şəhəri məhz bu keçidlərin köməyi ilə ram edə bilib.
![Chukhur Gabala](https://ge.parw.in/img/2011/11/qebele_16.jpg)
![Çuxur Qəbələ](https://ge.parw.in/img/2011/11/qebele_17.jpg)
Ümumilikdə — Qəbələ istirahət üçün gözəl yerdir. Amma mən burada 2 gündən çox qala bilmirəm. Darıxıram. O səbəbdən də yolumuza davam edirik. Növbə Şəkinindir. 😉
Ortastatistik Qəbələ küçəsi
![Gabala](https://ge.parw.in/img/2011/11/qebele_18.jpg)
Mövzuya dair forumda müzakirələr ↓
QŞQZ və ya Qəbələ-Şəki-Qax-Zaqatala qeydlərim