Xristianlığın böhranda olduğu heç kimə sir deyil. Bu yaxınlarda bütün Latviyanın arxiyepiskopu bunu təstiqləyib, özündən yeni günah ixtira etdi.
Arxiyepiskopun icadına görə indən belə seçkilərdə iştirak etməmək günahdır. =)
Delfi informasiya saytının verdiyi xəbərə görə Latviya və Litvanın böyük arxiyepiskopu Rigi Zbignev Stankevic öz çıxışlarının  birində qeyd edib ki, Latviya xalqı və bütün xristianlar (insanlar) ölkənin həyatında aktiv rol oynamalıdırlar, məhz onların fəallığı seçkilərin nəticəsini təsir edir. Deməli seçkilərdə iştirak etməmək, vətənə qarşı biganəlik, bu isə özü-özlüyündə ağır günahdır.

Bir sözlə hörmətli arxiyepiskopun fətvasına görə indən belə insanlıq seçkilərdə iştirak etməsə, günah işlədir. Əhsən.
PS. Deyirəm bizdədə seçkilər yaxınlaşır. Yagin hörmətli şeyxdəndə bir fətva gələcək.
Mövzuya dair forumda müzakirələr ↓
Latviyalı keşişin yeni günah ixtirası!

Son bir neçə ildə çox aktuallaşan bir mövzu var — İran və İsrail arasında olan konflikt. Bəs Azərbaycan bu konflikt olduğu halda kimin tərəfin saxlamalıdır?! Gəlin bütün emosiyalarımızı kənara qoyub hər şeyi bir-bir təhlil edək.
İran. Azərbaycanın yaxın və tarixi qonşusu. Din qardaşlarımız. Əslində bu konfliktdə biz alternativsiz İranın tərəfin saxlamalı idik… amma… Bu amma olmasa.
Amma isə ondan ibərtdir ki, İran bizi müstəqil olaraq görmür. İran hələdə Azərbaycanı özünün müvəqqəti ayrı düşmüş bir parçası hesab edir və buna dair mütamadi təpkilərlə çıxış edir.
İran daim Azərbaycan hava və su sərhədlərin pozur,  ölkəmizlə hədə-qorxu dilə ilə çıxış edir, konfliktdə olduğumuz ermənilərə dəstək olur… və digər İrana baş ucalığı gətirməyən insidentlər… Yadımdadı, mən tələbə olarkən İran Azərbaycanın su sərhədlərinə məhəl qoymadan hansısa yatağı ələ keçirməyə cəhd etmişdi, elə buna görədə türk Şahinləri (F-15 təyarələri ilə) Bakıda qol gücü göstərdilər, İran geri çəkildi. Hələ fars şovinizminin Cənubi Azərbaycanda türkçülüyi əzməsindən danışmıram.

İsrail. Dini və insani emosiyalardan çıxış etsək — İslamın nömrə bir düşməni, insan hüquqlarını boşuna verən bir dövlət. Daima İslamı alçaldıb, öz vəhşi siyasətlərin yeridən bir dövlət. Amma… Budada bir amma var. Dini kənara qoyub soyuqqanlı təhlilə keçsək görərik ki, İsrail birinci Qarabağ müharibəsində Azərbaycana çox böyük dəstək olub (qardaş Türkiyədəndə çox). Bu kömək istər silah-sürsatla, istərsə maliyyə vasitələri ilə edilib. Kütlənin inadla dəstəklədiyi müsəlmançılıqdan çıxış etsək isə — Fələstinin rəhmətlik başçısı Yasir Ərafatın “Qarabağ xalqının (ermənilər nəzərdə tutulur) Azərbaycanla mübarizəsi, haqq mübarizəsidir (fələstinlilərin İsraillə mübarizəsinin eynisidir)” deməsini yada salsaq, onda İsrail heçdə bizim düşmən deyil. Hərçənd heç İranın da ənənəvi İslam dövlətləri tərəfindən dəstəklənmədiyinin şahidiyik.
Bəs bütün bunları nəzərə alsaq, onda bizim dostumuz kimdi? Fikrimcə heç kim. Hər iki dövlət hansısa bir müddətdə Azərbaycana kömək edibsə, bunu öz siyasi maraqları səbəbindən edib.
Bəs münaqişə olsa? Bu münaqişənin 2 nəticəsi ola bilər:

1. İran müharibədən qalib çıxıb, nüvə silahına sahib oldu. İlk öncə sırf Azərbaycançılıq faktorundan çıxış etsək — onda Cənubi Azərbaycanın yaxın perspektivdə azadlığına bir quş. Yagin ki, İran həmən öz qalan düşmənlərini hədələməyə başlayacaq. Hesab etsək ki, İran öz düşmənlərindən biri kimi də bizi görür (cənub bölgələrimizə İranın qanunsuz yayımladığı Səhər telekanalına baxmaq yetərki, buna əmin olasız), onda Azərbaycanın vəziyyəti ürəkaçan olmayacaq. Fikrimcə, İsraili məğlub edəndən sonra dahada təkəbbürləşən şovinist İran mütləq Azərbaycana hücum edəcək, hərçənd farslar buranı (Azərbaycanı) özlərinin qanuni torpaqları hesab edir, bu qaçılmazdır. Bütün bunları nəzərə alsaq, İranın bu müharibədə qalibiyyəti bizə heç sərf etmir.
2. İsrail İranı darmadağın edib, qalib gəldi. Bu halda da bizi yaxşı perspektivlər gözləmir. Bəziləri deyəcək, niyə ki? İran dağılsa, Cənubi Azərbaycan müstəqil olacaq və ya bizimlə birləşəcək… Birincisi Sem dayı və kampaniya imkan verməz ki, regionda ikinci qüdrətli türk dövləti yaransın. Buna heç bir qərb dövləti (Rusiyadan tutmuş, karlik Andoraya kimi) razı olmaz. İkincisi, İranın dağılması Azərbaycanın lap göbəyində İraqdan da dəhşətli bir destabil ölkənin yaranması deməkdir. Üçüncüsü, İsrailin İranı məhv etməsi öz-özlüyündə böyük mənəvi qalibiyyat olacaq, onu dahada qəddarlaşdıracaq, İsrailin İslama, qardaş Türkiyəyə təpkiləri dahada sərtləşəcək. Dördüncüsü, bütün şərq (müsəlmanlar) qərbin de-fakto quluna çevriləcək… Bütün bunları da nəzərə alsaq, heç İsrailində qalibiyyəti bizə yaxın perspektivdə yaxşı heçnə vəd etmir.

Gördüyümüz kimi hər iki variant Azərbaycana sərf etmir. Ümumiyyətlə müharibə başladıqda regionda qatma-qarışıqlıq olacağı 100%-di. Bu isə onsuz müharibə şəraitində yaşayan Azərbaycan üçün istənilən halda sərf etmir.
Nə deyim, Allah köməyimiz olsun.
Mövzuya dair forumda müzakirələr ↓
Bizə kim lazımdı? İran yoxsa İsrail?! Düşüncələrim…

Azercell, Bakcell, Nar Mobile… Bu 3 mobil operatorları hər cür müqaisə ediblər… Bir abonent kimi mən də şəxsi fikirlərimlə bölüşəcəm.
Onuda qeyd edim ki, yazım sırf mənim abonentlik təcrübəmə əsaslanır və şəxsi fikirlərimdir.

Başlayaq ilk “cell” Bakcell-dən. Son illər kifayət qədər dinamik inkişafdadı.
Müsbət cəhətləri aşağıdakı kimidir:
— Ucuz danışıq qiyməti (digər operatorlarla müqaisədə);
— Ucuz GPRS;
— Dinamik olaraq inkişaf edir. Yeni real xidmət və yeniliklərlə abonentləri sevindirir;
— Yeni qurulmuş Müştəri xidmətləri əla çalışır.
Mənfi cəhətləri:
— Hələdə MMS dəstəyinin olmaması;
— GPRS qoşulma surətinin zəif olması;
— Postpaid (Klass) və Prepaid-lə (Cin) heç bir fərqin olmaması. Hər ikisidə əslində Prepaid kimi fəaliyyət göstərir, çünki Klass-da limit və sonradan danışıq haqqını ödəmə nəzərdə tutulmur. Maksimum -1 manat borclu ola bilərsən, ondan sonra şəbəkə üzünə bağlanır;
— Şəbəkədəki kiçik problemlər. Məsələn, Bakı-Şamaxı yolunun dağlıq ərazilərində Bakcell ümumiyyətlə tutmur, və ya götürək Qaxın İlısu kəndini;
— Klass tarif planında rouminqi açdırmaq üçün burokratik maşınla üzləşmə.
Azercell. Ölkənin ən böyük və sabit mobil operatoru.
Müsbət cəhətləri aşağıdakı kimidir:
— Fikrimcə Azercell-in ən böyük müsbət cəhəti onun sabit  olaraq daim inkişafda olmasıdır;
— Əla şəbəkəsi var. Müqaisə etdiyim Bakı-Şamaxı yolunda yaxşı tutur. Düzdü idealdan uzaqdı, bəzən xırda xırıltılar olur, amma digər operatorların ümumiyyətlə o ərazini dəstəkləməməsi fonunda bunada şükür;
— Mükəmməl xidmətlər və servislər;
— İdeal müştəri xidmətləri.
Mənfi cəhətləri:
— Danışıq haqqının kifayət qədər baha olması;
— Mənasız bonus və digər kampaniyaların keçirilməsi, hansı ki, operator realda heçdə bonus və ya abonentlər üçün mənfəət təklif etmir. Bu Azercell-in abonentlər arasında güvənliyini itirməyə gətirib çıxarır;
— Endirimlərin kampaniya xarakteri daşıması;
— SMS-in dəyərinin (qiymətinin) şişirdilməsi;
— Rouminqin digər operatorlara nisbətdə baha olması.
Nar Mobile. Ölkənin ən cavan, amma perspektivliyində ciddi problemlər olan operatoru.
Müsbət cəhətləri aşağıdakı kimidir:
— Ucuz qiymətlər. Demək olar ki, bütün operatorlarda ən ucuz danışıq qiymətlərini Nar Mobile təklif edir;
— Əla virtual (!) müştəri xidmətləri. Sayt vasitəsilə nömrənə dair istənilən operasiyanı aparmaq imkanı. Azercell-dədə bu funksiya var, amma fikrimcə Nar Mobile-da daha yaxşı realizə olunub;
— Ucuz rouminq tarifləri;
— 3G dəstəyi.
Mənfi cəhətləri:
— Stabil olmayan şəbəkə. Bu gün şəbəkə ideal tutduqda, səhər o ideallıqdan əsər-əlamət qalmır;
— Bu operatorda da bəzi endirimlərin kampaniya xarakteri daşıması əslində operatora baş ucalığı gətirmir;
— Azercell-də olduğu kimi SMS-in dəyərinin (qiymətinin) şişirdilməsi;
— Müştəri xidmətlərinə zəng edib, operatorla bağlanmaq özü bir qəhramanlıq tələb edir.
Azerfon-Vodafon-u ümumiyyətlə nəzərdən keçirmədim. Çünki fikrimcə ən aşağı abunə haqqı 27 manat olan bu operator kütlə üçün nəzərdə tutulmayıb. Yagin “öz kruqu” var.
Catel-i isə — bu mobil (CDMA) operator mənə məxsus nömrəni mənim xəbərim olmadan digərinə satdıqdan sonra… Nəsə, davam edək.
Nəticə:
Bakcell belə dinamik inkişaf etməkdə davam etsə, tezliklə böyük kütləni özünə cəlb edə biləcək. Çünki artıq stabil şəbəkəyə malik bu operator ucuz qiymətlərlə danışıq təklif edir. Elə kütləyədə bu lazımdı.
Azercell —  lider pozisiyasın qorumaqda davam edir. Son rebrendinqi ilə təstiq etdi ki, oda dinamik inkişafdadı, sadəcə hər bir addımını atmamışdan öncə 1-2 il ölçüb biçir. 😉 Bu isə rəqiblərinə inkişaf üçün vaxt yaratması deməkdir. Məncə Azercell daha çevik tərpənsə, liderliyini ən azından 10 ildə təmin etmiş olar.
Nar Mobile — kifayət qədər cavan olan bu operatorda inkişaf etməkdədi, amma uğursuz kampaniyalar və şəbəkənin stabil olmamasına görə abonentlərin inamını itirir. Çıxış yolunu ilk olaraq şəbəkənin mükəmməl qurulması və sonda abonentləri cəlb edəcək kampaniyaların buraxılışında görürürəm. Yoxsa, şəbəkə işlək vəziyyətdə olmadıqda sərfəli kampaniyaların buraxılması, əksinə əks təsir verir, abonentlər Nar şəbəkəsini ciddiyə almır.
Bəs sadə abonentlər nəyi etməli?
Ucuz və kifayət qədər stabil operator lazımdısa — o zaman Bakcell-i seçin.
Yox, sizə daha güvənli bir şey lazımdırsa, onda seçiminiz Azercell olmalıdı.
Yox,  əgər sizin üçün əsas kontur sayıdırsa (danışıq vaxtı), onda heç fikirləşmədən Nar Mobile-ı seçin.
Hər operatorun öz bazarı var, bizə isə hər birinə uğurlu inkifaş, biz abonentləri yeni-yeni endirimlərlə sevindirmək  arzusu qalır.
Mövzuya dair forumda müzakirələr ↓
Azercell, Bakcell və Nar Mobile…

Deyilənə görə 2 gündən sonra, Avqust ayının 21-i dünyanın resursları artıq yer kürəsi əhalisinə yetməməyəcək.
İndiyə kimi nə istifadə edilirdisə, ana təbiət onu bərpa edib, yenisini yaradırdı, amma indi insan sayının fantastik dərəcədə artmasına görə artıq bu mümkün olmayacaq. Ana təbiət sadəcə resursları bərpa etməyə macal tapmayacaq… insan yenə və yenə daha çox resurs istifadə edəcək.
Bu qorxunc statistikanı gətirən mötəbər Global Footprint Network onuda qeyd edir ki, artıq keçən ildən ana təbiət okeanlarda balıq sərfiyatını insanların sərfiyyatı ilə uzlaşdıra bilmir, balıq (dəniz məhsulları) sayı sürətlə azalmağa, insanların isə iştahı böyüməkdə davam edir. Həmçinin meşələrdə eyni aqibəti yaşayır (bariz nümunə elə Bakı”mız”). AFP isə çox maraqlı bir statistikanı gətirir — deməli insanlıq əgər indiki həcmdə təbiətin nemətlərin istifadə etməyə davam etsə, onda bizə Yer kürəsindən 2 dəfə böyük planet lazımdı. Hələ bu harasıdı… Əgər bütün dünya amerikallar kimi keyflə yaşamaq istəsə — bu alınmaz, çünki Yer kürəsindəki resurslar buna imkan vermir. Bunun mümkün olması üçün Yer kürəsi indikindən düz 4(!) dəfə böyük olmalıdı. Tak çto, inkişafda olan ölkələrin nə vaxtsa inkişaf etmiş ölkələr siyahısına qatılması qərb (və 2-3 şərq) dövlətlərinin yaratdığı mifdən başqa bir şey deyil.
Ən qorxunc statistika isə budur — yer kürəsinin 20% əhalisi planetin 80% resurslarını istifadə edir, qalan 80% əhali isə (əsasən 3-cü ölkələr, hansı ki, onların arasında bizdə varıq) 20% resursla kifayyətlənir. Yagin buna görə bizim çörəklər mal-qara üçün nəzərdə tutulan taxıldan hazırlanır. Əhsən. =)
Bütün bu statistikaya baxanda kiminsə məhsullara olan qiymətlərin ucuzlaşması haqda nəsə deməsi çox gülünc gəlir. Nə ucuzlaşma? Birazdan içməyə təmiz su tapılmayacaq, siz ucuzlaşmadan danışırsız.
İnsanlar… qlobal baxdıqda, insanlar virus kimi bir şeydi, düşüblər yazıq Yer kürəsinin canına, lap tarakanlar kimi. Sayı durmadan artır, iştahları, ambisiyaları isə yerə görə sığmır. Əslində insaları xərcəng xəstəliyinədə bənzədirlər, orqanizmə düşən kimi hər şeyi özünə tabe etməyə çalışır… Görünür xərçəng xəstəliyinə bir çarə tapımadığı kimi, insanların vəhşi iştahınada bir çarə tapılmaz. Üzü qiyamətə doğru gedirik. Ya yeni planetləri fəth edib, yeni koloniyalar qurub tarakan kimi bəşəriyyətə yayılmalıyıq, yada ki, bitməkdə olan resurslar uğrunda bizi dəhşətli müharibələr gözləyir…
İnsanların sayı artıqca da, dəlisovluq artır. Bir bu video-ya tamaşa edin:

Moskva metrosudur. Artıq insanlar həyatdan o qədər harınlayıblar ki, belə risklər edirlər, digərlərinidə riskə atırlar. Sizcə davam etməyə dəyər? Hm. Məncə Allah həqiqətəndə çox səbrlidir. O imkan yaradır ki, insan özü-özünü məhv etsin, day birdə qiyaməti yer üzünə aşırıb ölüləri narahat etməsin… Onsuzda insan özü-özünə qəbir qazır. Yaxın gələcəkdə biz olmasaqda, nəticələrimiz bunun şahidi olacaq. Statistika da bunu  təstiqləyir.
Allah köməyimiz olsun.
Mövzuya dair forumda müzakirələr ↓
Yer. İnsanlar. Deyəsən son yaxınlaşır… Düşüncələrim

İndən belə vaxtım olduqca Azərbaycan İnternetində baş verən hadisələri təhlil edib Sizlərlə bölüşməyə çalışacam.
Avqust ayının ən bəd xəbərlərindən Azərbaycan İnternet məkanının ilk Azərbaycan dilli forumlarından birinin bağlanması xəbəri oldu. Fikrini.de domeni altında fəaliyyət göstərən forum kifayət qədər Azərbaycan dilli intellektualları birləşdirirdi… Amma görünür özlərini çölə qoyanlar, səviyyəsizliyin son həddində oturub səviyyədən dəm vuranlar, ruhi xəstələr və anonim xoşnamuslar Fikrini.de forumununda sonuna çıxdılar. Yoxsa Administrator bu kimi təsirli yazı yazıb, forumu bağlamazdı:

Yazını olduğu kimi təqdim edirəm (mənbə):

Salam, fikirşünaslar. Dünən həyatımın növbəti əsas qərarlarından birini verdim. Forum açılmayacaq! Elmar serverini bərpa etdikdən sonra bəlkə imkan oldu bütün yazıların arxiv kimi qalmasına, amma “fikrini.de” fəaliyyətini bir daha bərpa etməyəcək! Domeyn satılmır və heç kimə də kirayə verilmir, mənim şəxsi mülkiyyətim olaraq qalacaq.

Bəsdir daha onun-bunun nazını çəkdiyimiz, bəsdir daha boş yerə əsəblərimizi sərf etdiyimiz. Mənə deyən lazım idi ki, öz anasına, onun dilinə hörmət etməyən yoldan keçənlərə bu qədər zaman, əsəb, pul niyə sərf edirsən ki. Odur ki, bu fasilə-serverdəki problem, sən demə, xeyrə imiş. Həm də ötən həftə təsadüfən öyrəndim ki, daşım heç təsəvvür belə etmədiyim adamların da başına düşüb. Biri vaxtımı alır, digəri əsəblərimlə oynayır, başqa birisi pulumu götürüb aradan çıxır, digəri gəmidə oturub gəmiçi ilə dalaşmaqdan zövq alır və s. s. s. Bütün bu 5 illik fəaliyyəti boyu forumun mənə vurduğu maddi və mənəvi ziyan Vətən həsrəti ilə çırpındığım və divarlarına qısılaraq təsəlli tapdığım anlardan milyon dəfə çoxdur. Odur ki, əlvida, fikrini.de və fikrini deyənlər!

Forum ailə həyatımda narazılıq mənbəyi olan yeganə obyekt idi. Ailəm mənim üçün hamıdan və hər kəsdən üstündür. Foruma sərf etdiyim enerji və vaxtımı ailəmə, işimə həsr edəcəyəm. Ən əsası, artıq Bakı səfərlərimdə görüşmək məcburiyyətim olmayacaq heç kimlə. Bir neçə gün sonra burdan və eləcə də bütün messencerlərdən forum vasitəsi ilə tanıdığım və əlaqələrimin davam etməsini arzulamadığım bütün yoldaşları da siləcəyəm. Hamınıza uğurlar!

Göründüyü kimi insanı cana yığıblar. Ümumiyyətlə qonşu yazıda da qeyd etdiyim kimi Azərbaycan internetinin bəlası — başqasının uğurlarına kütləvi eqoizm, xainlik, imkan olsa birazda “samoreklama” və “mənəm-mənəmlik”dir. Bu yazını mən ümumiyyətlə Azərbaycan İnternetinin fəryadı adlandırardım.
Xoşnamusluqdan söz düşmüşkən, bu ay ana-bacılarını çölə qoyanlar indidə yerli sayt rəhbərlərini hədəfə alıblar. Müxtəlif tanışlıq saytlarında sayt rəhbərlərinin şəkillərini, telefon nömrələrini qoyub, onları təhqir edirlər… Aldığım məlumata görə xoşqeyrətlərin hərəkətlərindən artıq onlarla sayt rəhbərləri ziyan çəkib. Ziyan deyəndə — pərdə altında gizlənib, anonim olaraq onun bunun şəkilindən istifadə özü-özlüyündə acizlik və yazıqlıq əlamətidir. Belələrinə axı küçə söyüşündən başqa nə deyəsən?!… Heçnə… Odur ki, onların fəaliyyətini hüquq mühafizə orqanlarına tapşırıb, biz müşahidələrimizə davam edək.
Müşahidələrimi isə xüsusi olaraq Müqəddəs Ramazan ayı üçün hazırlanmış kiçik, amma faydalı bir proqramla davam edirəm. Kataloq.net saytın hazırladığı kiçik bu proqram (vidget) əslində böyük bir iş görür — namaz vaxtı göstərilir, özüdə müəyyən şəhərlər üzrə (əfsuslar olsun bütün rayonlar qeyd olunmayıb, yagin yeni versiyada buda həllini tapar). Mənim bu vidgetdə ən xoşuma gələn isə iftara nə qədər vaxtın qalmasını göstərməsidir. Bəyənilsin.
Vidgeti buradan yükləyə bilərsiniz.
Deyirlər “Sosial Yeniliklər Düşərgəsi” gəlir. Saytlarına daxil olub, bunun nə olduğu ilə maraqlandım. Amma bu sosial yeniliklərin nə olduğunu, mən bu işin içində olan adam anlamadım, təsəvvür edirəm sadə istifadəçilər nələr çəkir. =) Yagin “Barama” tipində bir şey olacaq, bu dəfə “İrəli”-dən. Hər halda yenilikdirsə, xeyirli olsun. Yeniliklər İnternet məkanımıza lazımdır.
Saytları bu ünvandadı, bəlkə Sizdə nəsə alındı. =)
Yeniliklər demişkən, bu gün mənə maraqlı bir link göndərdilər, elektron jurnaldı. İnternet istifadəçilərin maraqlandıran ən aktual suallar və onlara cavablar bu jurnalda təqdim olunur. Maraqlı başlanğıcdı. Xoşuma gəldi, əsasəndə “copyright” hissəsi — e-Hacı. Çox kreativ seçimdi. Elektron Hacılar erası başlayır, dəstəkləyirəm.
Jurnalı sizdə buradan yükləyə bilərsiniz.
Və sonda… vBulletin 4-ün bizə verdiyi əzablara baxmayaraq, Fox.AZ saytının forumuna tam yeni tərtibatda  start verdik. Xatırladım ki, Fox.AZ Forumu Azərbaycanda ilk ana dilində fəaliyyət göstərən forum olmaqda davam edir. Forumda bir çox məsələlərə dair müzakirələr aparılır… İndi qaldı Fox.AZ-ın ümumi səhifələrinə əl gəzdirmək. İrəli gedib onuda qeyd edim ki, Fox.AZ portalının yeni inkişaf strategiyasına əsasən tezliklə hal-hazırki və şəxsən mənimdə bəyənmədiyim bloq-versiyanın fəaliyyətinə xitam veriləcək, əvəzində isə tam yeniləmiş və gənclər üçün nəzərdə tutulan informasiya-əyləncə portalı fəaliyyətə başlayacaq. Artıq bu yönümdə işlərə başlanıb.
Forumda müzakirələrə qoşulmaq üçün bura tıklayın.
İstilərə və Avqust ayının passiv olmasına rəğmən, Azərbaycan İnternet məkanı üçün 3-4 gün ərzində kifayət qədər tutarlı xəbərlər var. Görək başımıza nə gəlir.
Allah köməyimiz olsun!

Qəbələnin kimin patronajı altında olduğunu hər kəs bilir, bunu nə etiraf etməyə, nədə ki, isbat etməyə ehtiyyac yoxdur. Söbət elə bunda da deyil, söhbət Qəbələnin gün-gündən inkişaf etməsindədir…
Digər məmur-oliqarxlar “bezrazmer” pul kisələrini doldurub, villalar sərgiləməkdə olduğu halda hörmətli “Fövqaladə Nazir” yeni əsər yaradır — Qəbələ.
Təcrübəmə əsaslanaraq “Fövqaladə Nazirin” fanatı olmasamda (gömrükdə yaşanan problemlərlə bağlı — sırf onun adı ilə bağlayırdılar), haqqı deməkdə israrlıyam — Qəbələnin ildən-ilə necədə möhtəşəmləşdiyinin şəxsən şahidi oluram. Bu ildə belədir. Keçən ilə nisbətdə çox böyük irəlləyişlər var, şəhər çox gözəlləşib, abadlaşıb və ən əsası — böyük turist axını hesabına yerli qara camaatın yaşayışı, güzaranı çox yaxşılaşıb (eşe bı yaxşılaşmasın — evlərininin bir otağını bir gecəlik 50-120 manata kirayə verirlər). Əlbət, digər bölgələrdə də rayon “sahibləri” iş aparıb, qurub-tikirlər… amma heç bir yerdə Qəbələdə olduğu kimi xırda detallara belə diqqət, total yenidən qurma, təmizlik, kontrol və məsuliyyət yoxdur. 3-4 il ərzində Qəbələ kiçik və baxımsız provinsial rayon mərkəzindən gözəl bir şəhərə çevrilib. Bu 3-4 il ərzində şəhər demək olar ki, tam yenidən qurulub.

Adicə Qəbələnin küçələri ilə gəzərkən təmizlikdən zövq alırsan —  çox gözəl və zövqlə tərtib olunmuş bağlar, fontanlar, ümumi abu-hava… Hər addım başı müasir zibil qutuları (day Bakıdakı kimi biədəb yekə “CASCO” dəmir qutular kimi yox), yolların kənarındakı yağış axını üçün xüsusi kiçik su kanallarını (su bərəcələri) hələ demirəm. Qəbələdə hətta hasarlar belə (parkların taxtadan hazırlanan hasarcıqları ümumiyyətlə superdi) özünəməxsus və gözəldir. Dediyim kimi, bu şəhərdə xırdalıqlara belə fikir verilir.
Və ən əsası — hər kəs bilir ki, şəhərin yiyəsi var, day bəzi rayonlarda olduğu kimi “bespridel” deyil, kontrol var. Bu kontrol hər yerdə hiss olunur.  Misal —  yeni açılmış və Qafqazda “analoqu olmayan” (Bütün hüquqlar AZTV-yə məxsusdur) Lunapark-da el arasında “Metkarting maşınları” kimi tanınan kartinq-dən istifadə edərkən kaska taxmaq istəmədikdə, işçi qeyd etdi ki, bəs xahiş edirəm tax, Nazir buradadı — görüb bizə irad bildirər. Bir sözlə, adi parkda belə Bakıda adət etdiyimiz sosial-xidmət işçilərinin biganəliyinə (daha çox pofiqizm deyərdim) yer yoxdur. Hər kəs öz yerini bilib, işinə məhsuliyyətlə yanaşır.
Yeni istifadəyə verilmiş otellərdən isə aylarla yazmaq olar, amma çox yazmaqla mənim aram yoxdu. =) İnşallah, özünüz olub, dəyər verərsiniz.
PS. Sizlərə sırf “Lunapark”dan kiçik görüntülər təqdim edirəm.

 






Mövzuya dair forumda müzakirələr ↓
Azərbaycanın Qəbələ nağılı!

Çoxlarının bəyənmədiyi Hyundai son dövrlər öz fenomenal inkişafı ilə bir çox avtomobil sənayesinin qrandlarını çoxdan geridə qoyub. Elə mənim fikrimcə də, Hyundai (Hyundai-Kia Motor Company) kimi dinamik inkişaf edən ikinci avtomobil şirkəti yoxdur.

Volkswagen belə öz böyük ambisiyaları ilə (2015-ci ildə nömrə 1 avtoqiqant olmağı planlaşdırır, Toyota-ya rəğmən) artıq Hyunday-a inkişaf tempinə görə uduzduğunu, onun qarşısında acizliyini etiraf edib. Yeni baxımlı və etibarlı modellər, qlobal olaraq qurulmuş yüksək keyfiyyətli servis xidmətləri və ən əsası rəqiblərindən 20-30% ucuz! Bax budur Hyundai-ın əsas inkişaf faktorları! Bütün bunlar isə Hyundai-ın tezliklə lider olacağına zəmin yaradır.
Bəs rəqiblər? Əlbətki, rəqiblər bundan çox narahatdır. Əsasəndə avtomobil sənayesinin şahı sayılan Daimler (Mercedes-Bens ticarət markası). Belə olmasaydı Daimler Hyundai-ın baş dizaynerini özünə çəkməzdi.
Belə ki, bir müddət öncə Joel Piaskowksi Daimler tərəfindən Hyundai-dan alınıb, Mercedess-Benz-in yeni baş dizayneri təyin edildi. Bəli, bəli, düz eşitdiniz, indi bəyənmədiyiniz(miz) Hyundai-ın dizayneri yeni Mercedes-lərin dizaynını tərtib edəcək.
Elə çox keçmədi ki, dəyişikliyin nəticələri artıq məlum oldu. Joel Piaskowksi-nin Mercedes-də ilk işi olan A-Class öz görkəmində Hyundai-ın müxtəlif modellərini xatırladır. Daha çox Hyundai Elantrada (elə onuda Joel Piaskowksi yaradıb) istifadə olunan yan dalğalar, ümumi görünüş və avtomobilin kaskadı, duruşu… Bir sözlə, yaşasın Hyundai-ın ekstraordinar dizaynı! 😉


Mövzuya dair forumda müzakirələr ↓
Elantranı yaradan Mercedesin baş dizayneri kimi!

Biraz “popsovıy” mövzuya toxunacam. Əvvəlcə qeyd edim ki, 28 yaşım var. Bu yaşımda kifayyət qədər insan görüb-tanımışam. Və…

Və bu dəfə Sizlərə Bakıda kimin nə üçün uzun saç saxladığı haqda fikirlərimlə bölüşəcəm. Söhbət oğlan və kişilərdən gedir.
Uzun saç şəxsləri 5 tipə bölərdim:

1. Başlayaq birincədən — tineycerlər. Adətən özünü  hər kəsdən fərqli, unikal, ümumiyyətlə “bəşəriyyətdə yeganə” hesab  edən tineycerlər (14-18 yaşlar arası) uzun saç saxlamağa meyllidilər. Elə mənim özümdə o yaşlarda buna meyilli olmuşam, amma vaxt ötdükcə, saçın nazı ilə oynağa vaxt qalmır + çox saç çox əsəb deməkdir. Bəzən yaşlı adamlardada bu simptomu rast gəlmək olur — onlar 16-18 yaşda ilişib qalanlardı. =)
2. İkinci tip — bozbaşizm və onu ört basdır etmək cəhtləri. Birdə görürsən qaqaşın uzun saçları, nəbilim metroseksual görkəmi, bir sözlə “stilniydi”, amma ağzın ki, açdı… danışanda, eləbil Gədəbəy dağlarından elə indicə düşüb. “Nettttssssəəntsən?” kimi özlərinə yad ifadələrlə əslində elə özlərini gülünc vəziyyətə qoyurlar. Bunlar uzun saçı adətən “maskirovka” üçün istifadə edirlər, “seçilmişlərə” yaxın olmaq üçün. Əslində rus demişkən — nə rıbadılar, nədəki myaso. =)
3. Üçüncü tip — incəsənət təmsilçiləri — bunları anlamaq olar. Hər bir incəsənət xadiminin öz daxili aləmi, özünə məxsusluğu var.  Bunlar saç uzadıb, üzlərini təmizləməməyi bir növ cəmiyyətə, qaydalara üsyan kimi qəbul edirlər.
4. Dördüncü tip — metroseksuallar, biseksuallar və homoseksuallar. Bunlarıda anlamaq da olar, anlamamaq da — heçnə dəyişməyəcək. Öz həyatlarıdı, özləri bilərlər.
5. Beşinci tip — “stilno” görünmək üçün saç uzadanlar. “Maço” olmaq cəhdləri. Əslində dəb-dəbəli görünməyin başqa üsullarıda var və fikrimcə saç uzadıb, sırğa tapmağı dəb-dəbəli sayanlar ictimayyət qarşısında boyunlarına almasalarda — daxilən homoseksualizmdən əziyyət (özünə görə bəlkədə ləzzət) çəkənlərdir.

Yekun olaraq sonda onu qeyd etmək istəyirəm ki, xarici görkəm əsasdı, amma daxili görkəm daha vacibdi. Siz nə qədər saç uzadıb, saqqal saxlasazda, bəyənmədiyiniz Gədəbəydən, Lənkarandan (vətənin hər bir yeri gözəldi, nakamlar) olmaqda davam edəcəksiniz, elə cəmiyyətdə qaydalar kimi olduğunda qalacaq. 😉
Mövzuya dair forumda müzakirələr ↓
Bakıda uzun saç saxlamaq sindromu. Səbəblər

Lider telekanalı reytinq pozisiyasından geri çəkilməkdə davam edir. Demək olar ki, bütün göstəricilərə görə rəqiblərinə uduzan telekanalın tamaşaçıları artıq əllə sayılasıdır.  Elə bu səbəbdəndə, o artıq “rupor” rolunu oynamır.
Bir tərəfdəndə bu ANS… ANS-in Lider-də Etibar Hüseynovun apardığı “Sitatın sonu” verlişinin formatında yeni bir verlişi efirə buraxması şəxsən mənim üçün gözlənilən oldu. “Rupor” artıq Lider yox, ANS-dir.
Söhbət “Bədbaxt adam — Eynulla Fətullayev”-dən gedir.  Hörmətli Mirşahinin Etibar Hüseynovun ayaqqabılarını geyinib onun yerişini yeriməsi çox gülünc görünürdü.
Məqsəd Eynullanı qaralamaq olsada,  hörmətli Mirşahin açıq-aydın xalqın gözü qarşısında özünü alçaltdı. Axı nəyə görə? Məncə istənilən halda buna dəyməzdi.
Çünki elə filmdə adı çəkilən Anar müəllimində qeyd etdiyi kimi, jurnalist fəaliyyətinə görə onsuzda azadlıqdan məhrum olan bir kimsəni ayaqlamazlar. Qoy çıxsın azadlığa, onda bu meydan, buda şeytan.
Bəli, Eynullanın səhvləri var, özüdə böyük səhvləri… Amma bu verlişlə Mirşahin millətin təfəkkürünə, xüsusəndə gənclərə əks təsir etdi. İndi Eynulla onlar üçün azadlıq rəmzi, haqq sözüdü…
Yoxsa hörmətli Mirşahin Etibar Hüseynovun çörəyinə bais olmaq fikrindədi?!
Filmi izləməyənlər Youtube vasitəsilə izləyə bilərlər:


Mövzuya dair forumda müzakirələr ↓
ANS vs. Eynulla Fətullayev

Sony Ericsson ASPEN-i gözləməkdən (keçən il dekabrda anons olub, amma hələdə satışa çıxarılmayıb) gözlərimin nuru saraldı… Vaxtda keçdikcən baxıram ki, ASPEN artıq xarici görünüş cəhətdəndə köhnəlib…
Həm Windows Mobile 6.5 məni qorxudur, başımı çox ağrıdıb. Düzdü Sony Ericsson deyir ki, bəs bu moderldə (ASPEN) 6.5 tam yeni görkəmdə və modifikasiyada olacaq, HTC-dəki tormozlardan uzaq… amma yenədə nəsə ehtiyat edirəm.

Bir sözlə favoritim dəyişdi. İndi favoritim kifayət qədər balaca və funksional, Android sistemində çalışan “fullun-fullu” Sony Ericsson XPERIA X10 mini pro-dur.
Gəlin göstəricilərinə baxaq:
Əməliyyat sistemi — Android 1.6 (yenilənmə imkanı ilə)
CPU — Qualcomm MSM7227 600MHz
Ölçüləri — 240 x 320 pixels, 2.55 inches
Yazı — QWERTY keyboard
Yaddaş kartı — microSD, up to 16GB, 2GB included
Kamera — 5 MP, 2560х1920 pixels, autofocus, LED flash
GPS — Geo-tagging
Radio — Stereo FM radio with RDS
Digər — – Digital compass, Google Search, Maps, Gmail, YouTube, Calendar, Google Talk, Document viewer
Bircə SAR reytinqi biraz çoxdu — 1.61 W/kg (head)
Bir sözlə balaca olsada, texniki göstəriciləri normaldı, deyərdim Nokia (Symbianlı) analoqlarından qat-qat üstündü.
Çox funksional bu smartfon May ayından Avropada satışda olsada, hələdə ölkəmizdə satışda yoxdur. Sony Ericsson-un rəsmi distyubutoru Akundoff Networks isə susur…

Mövzuya dair forumda müzakirələr ↓
Sony Ericsson XPERIA X10 mini pro