Sentyabr ayı Maşallah texnoloji yeniliklərlə çox oldu. Onlardan ən maraqlıları ilə (fikrimcə) sizlərlə bölüşürəm. Mənə görə bu dəfə ən dəyərli yenilik Plantronics şirkətindən gəldi. DYP-nin gözünün dağına çevriləcək bu kiçik qadjet bizi bir çox cərimələrdən qoruyacaq.
Söhbət bluetooth qarnituradan gedir. Amma bu öyrəşdiyimiz qarnituralar kimi qulağa yox, bir başa avtomobilin günəşdən qoruyucılarına taxılır. Əslində bu ən optimal variantdır. Çünki qulağa taxılan bu şua mənbəyi beynə heçdə yaxşı təsir etmir — şəxsən məndə həmən baş ağrıları başlayır.

Yeni Plantrocis K100-ün isə üstünlü tək bununla bitmir. Qadjet danışıq zamanı avtomatik olaraq kənar səsləri təmizləyir. Bu o deməkdir ki, məsələn maşında getdikdə xəttin digər tərəfindəki insan maşının motorunun deyil, sizin səsinizi eşidəcək. Qadjet vasitəsilə radio sevərlər FM kanallara da qulaq asa bilərlər. Qadjetin çəkisi 90 qram, qiyməti isə 80 USD-dir (64 AZN). Hələlik Azərbaycanda satışda yoxdur, amma net vasitəsilə bu saytdan sifariş verə bilərsiz.

Digər maraqlı yenilik — İntel-dən yeni Classmate PC netbuk-transformerdir. Çox ucuz qiymətə satılacaq bu netbuklar əsasən məktəblilər üçün nəzərdə tutulur. Transformer həmçinin xüsusi qoruyucu qata da malikdir ki, bu da onun təsadüfən (ya bilə-bilə) yerə düşməsindən zədələnməni sıfıra endirir. Hələ bu azmış kimi onun touch-pad displeyi 100 ml suyun tökülməsinə və hətta meyvə şirələrinə qarşı davamlıdır! Görünür İnteldəkilər uşaqların bütün şıltaqlıqlarını nəzərə alıblar. Azərbaycanda bu yeniliyin nə vaxt satışa buraxılacağı məlum deyil. Heyf, maraqlı gadjet idi. Yenə də sağ olsun eBay.




Əgər yenilik uğurlu alınsa İntel netbookların biznes versiyasınıda buraxılacaq.

Növbəti yenilik günəş enerjisilə qidalanan çimərlik zontlarıdı (çətirlər). Bu çətirlərin 2 məqsədi var — həm istirahət edənləri qızmar günəşdən qorumaq, həm onların qadjetlərini elektriklə təmin etmək. Məncə gələcəkdə bu tip zontlar çox yayılacaq. Əsasəndə bahalı istirahət mərkəzlərində. Necə bir vaxtlar Wi-Fi nəsə qeyri adi bir şey sayılırdı, indi isə adiləşib, bu zontlar da eyni taleyi yaşayacaqlar.

Və fikrimcə maraqlı olan sonuncu yenilik əslində texnika deyil, aksessuardı. Apple Air noutboklarının üçün xüsusi keys. Özüdə taxtadan. Məncə çox orijinal ideyadı. Bakıda hələlik satışda yoxdu və yəqin ki, qiymətinə görə heç olmayacaq da. Bu taxta gözəlin qiyməti 260 (!) Avrodu.


Mövzuya dair forumda müzakirələr ↓
Texnoloji yeniliklər

Microsoft-un işləri axır vaxtlar heçdə yaxşı getmir. Bir vaxtlar hər kəs Microsoft-a çatmağa can atırdısa, indi Microsoft-un özü can atanlardandı. Əsasən şirkətə həmlələr bildiyimiz Google və Apple-dan gəlir.
Amma Microsoft da asan təslim olmaq fikrində deyil. Mükəmməl və heçdə MAC OS-dən geri qalmayan, hətta deyərdim onu üstələyən Windows 7-i buraxdıqdan sonra, Microsoft yenidən öz yırtıcı nəzərini artıq uduzduğu smartfonlar və mobil aparatlar üçün əməliyyət sistemləri bazarına yönəldib. Artıq il yarımdır anons edilən və məhz mobil aparatlar üçün nəzərdə tutulan Windows Phone 7 əməliyyat sismi üzərində işlər bitməkdir. Deyəsən bu dəfə Microsoft əbəs yerə vaxtını itirməyib. Bizi həqiqətən fantastik bir şey gözləyir. Bunu deməyə bu günlərdə Engadget dərgisinin əldə etdiyi konfidensial video kadrlar əsas verir.
Kadrlarla sizlərlə bölüşürəm.


Mövzuya dair forumda müzakirələr ↓
Gələcək Microsoft-la gələcək?! Windows Phone 7

Qonşu yazıda qeyd etdiyim kimi, bu günlərdə cənub bölgələrimizdə oldum. Hər üç nömrəmi (Azercell, Bakcell, Nar Mobile) özümlə götürüb 3-4 gün İnternetsiz günlərimdə telefondan hər 3 operatorun təqdim etdiyi GPRS xidmətindən faydalanıb, test etmək qərarı verdim.
Başlayaq Azercell-dən. Yeni telefona nömrəmi qoşan kimi GPRS və MMS ayarları həmən aldım. İnternet bağlama ilə heç bir problem yaranmadı. Sürətlidir. Düzdü bəzən “tormozlayır”. Amma bu telefonluqda ola bilər. Fikrimcə Azercell-in təqdim etdiyi GPRS-in əsas çatışmamazlığı — traffikin baha olmasıdır.

Bakcell. Yeni telefona nömrəni qoşarkən Azercell-dən fərqli olaraq heçnə almadım. Amma ayarları sadəcə 5950 qısa nömrəsinə boş mesaj göndərməklə əldə etdim. Elə həməndə İnternetə qoşuldum. İnternet qoşulma Azercell-dəkinə nisbətdə zəifdir, amma maliyyə baxımından Bakcell-in təklif etdiyi GPRS qoşulma daha sərfəlidir.
Nar-ı test etmək vaxtı gəldi. Nar nömrəni telefona qoşdum, amma burada da avtomatik GPRS və MMS ayarlar almadım. Qərar verdim ayarları Nar Mobile sim bələdçisi vasitəsilə axtarıb tapım. Girdim bələdçiyə, oradan “Men ve Nar Mobile” menusunu seçib daxil oldum bölümlərə. Burada “Ayarlar” bölümüdə var idi… Ona tıkladım və “DATA ve MMS ayarlar”-ı seçdim. Mobil telefonumun modelini daxil etmək təklif olundu — etdim. Cavabında mesaj aldım “Telefonun modeli yanlis daxil edilib. Bu ardicilliq ile daxil edin: (istehsalci) bosluq (model), (ayarlarin novu)”. Heç bir nümunə göstərilməyən quru və faydasız mesaj. Deyilən kimi etdim. Telefon istehsalçısı və modeli göstərdikdən sonra vergül qoyub “WAP” yazdım. Axı mənə GPRS (wap) ayarlar lazım idi… Cavabında yenə eyni mesajı aldım. Digər oxşar telefon modelinin adını qeyd etdim, göndərdim — eyni mesajı yenidən aldım… Fikirləşdim, bəlkə “wap” əvəzinə “GPRS” yazım… Elədə etdim. Yenidən həmən mesaj. Fikirləşdim bəlkə kiçik hərflərlə yazmaq lazımdı. Yenə eyni mesaj. Dedim bəlkə sadəcə modeli yazım, yenə eyni cavab. Dedim bəlkə “wap” yerinə “mms” yazım, bəlkə bu işləyir… Yenə eyni mesaj. Bir sözlə 30-dan çox mesaj göndərməyimə baxmayaraq bu zəhrimar ayarları ala bilmədim.
Artıq gecə olduğundan, səhəri gözlədim. Səhər rayonda bir İnternet-klub tapıb daxil oldum narmobile.az saytına, orada qonşu mövzuda təriflədiyim İnternet bələdçisi vasitəsilə ayarları öz telefonuma göndərdim. Problemində nədə olduğunu elə o zaman anladım. Hə, sən demə problem ayarların növünün düz qeyd etməməyimdə imiş. Bəli, bəli. Sən demə ayarların növün wap, mms kimi yox, məhz “NarİnternetGPRS” kimi qeyd etməliydim. Əhsən. Bunu kimin bu qədər “izvraşat” etməsini bilmirəm, bundan öncə ayarlar sırf sadə sorğu ilə gələrdi — ya “wap”, ya “mms” — amma nümunəsi göstərilməyən bu “izvraşeniyadan” xəbəri və ekstrasensor istedadı olmayan hansısa bir abonentin mobil telefon vasitəsilə bu kimi mürəkkəb cümlə birləşməsini tapıb, doğru sorğu göndərməsi mənim üçün qaranlıq qalır. Görəsən ay ərzində bu tapmacanı neçə nəfər tapır?
Nəsə. Ayarlar artıq telefonda idi. Qaldı GPRS-dən isitifadə etmək. Türk qardaşlarımız demişkən, “nə yazıq ki” burada da məni heçdə xoş olmayan bir sürpriz gözləyirdi — istənilən sayt (səhifə) yarımçıq açılır, daha sonra İnternet (GPRS) ümumiyyətlə itir. Fikirləşdim telefondandı. 3 telefon dəyişdim. Eyni problem. Daha bir “baq” (bəlkədə) — sadə bir səhifəyə daxil olduqda (yarımçıq açır onsuzda) və sonra balansı yoxladıqda, adi yarımcan bir səhifə üçün kifayət qədər böyük bir məbləğin çıxıldığının şahidi oldum.
Nar Mobile müştəri xidmətlərinə isə çoxsaylı zənglərim fayda vermədi… Ola bilsin bu sırf mənim test etdiyim günə düşən bir problemdir. Ola bilər. Amma ümumilikdə ümüd edək ki, bu kimi xırda, amma kifayət qədər abonenti narazı sala biləcək problemləri Nar Mobile tezliklə aradan qaldıracaq. Axı qabaqdan işküzar aktivliyin pik vaxtları gəlir. Hərçənd Nar-ın bu tip problemləri həll etmək üçün həm potensialı, həm maliyyə dəstəyi var. Qalır sadəcə istək.
Nəticə

Nəticə isə bundan öncəki müqayisəmizi xatırladır:
Azercell — keyfiyyətli, amma baha İnternet qoşulma.
Bakcell — sərfəli qiymət, normal sürət.
Nar Mobile — kifayət qədər baha (müqaisə etdiyimiz hər 2 operatora nisbətdə) İnternet. Tez-tez ara kəsilmələr.

Samsung bazara iPhone-a “rəqib” buraxandan sonra, bütün vasitələrlə onun PR kampaniyasına başlayıb. Söhbət Android 2.2 platformalı Galaxy S modelindən gedir.
Fikrimcə, bu PR kampaniyanın xeyri yoxdu. Hər parametrinə görə iPhone-dan bir addım öndə olan bu telefon əslində sıravi alıcılar üçün Samsung-un “ştamp” etdiyi sıradan növbəti bir telefon olacaq. Səbəblərdə bir neçədir — birincisi, kifayət qədər baha olması — 600 AZN (rəsmi distrubutor İnteqralda qiymət — 599 manatdı), ikincisi, Android telefonların kütlə tərəfindən hələdə istiqanlı qarşılanmaması öz sözünü deyəcək.
Yeni PR kampaniya isə Samsung-un Galaxy S-lə bağlı ambisiyalı olduğunu göstərir — 27 yaşlı Böyük Britaniya sakini Melissa Thompson Galaxy S telefonunda mesaj yazmaq üzrə dünya rekordunu vurub. «the razor-toothed piranhas of the genera Serrasalmus and Pygocentrus are the most ferocious freshwater fish in the world. In reality they seldom attack a human» cümləsini 25, 94 saniyəyə yazan Melissa bundan öncəki 35, 54 saniyyə ilə rekordsmen Franklin Page-i qabaqlayıb. Samsung-da onuda qeyd etməyi unutmurlar ki, bu rekord məhz Galaxy S-də istifadə olunan Swype mətn yığma sisteminin köməkliyi ilə vurulub.
Xatırladım ki, Swype mətn yığım sistemi xüsusi lüğətə malikdir və sensor ekranlarda barmaqların hərəkətin izləyib mətnləri avtomatik yazmaqda kömək edir.
Swype sisteminin iş prinsipi aşağıdakı video-da göstərilir:

Mövzuya dair forumda müzakirələr ↓
Samsung Galaxy S. Super PR davam edir…

İndən belə vaxtım olduqca Azərbaycan İnternetində baş verən hadisələri təhlil edib Sizlərlə bölüşməyə çalışacam.
Avqust ayının ən bəd xəbərlərindən Azərbaycan İnternet məkanının ilk Azərbaycan dilli forumlarından birinin bağlanması xəbəri oldu. Fikrini.de domeni altında fəaliyyət göstərən forum kifayət qədər Azərbaycan dilli intellektualları birləşdirirdi… Amma görünür özlərini çölə qoyanlar, səviyyəsizliyin son həddində oturub səviyyədən dəm vuranlar, ruhi xəstələr və anonim xoşnamuslar Fikrini.de forumununda sonuna çıxdılar. Yoxsa Administrator bu kimi təsirli yazı yazıb, forumu bağlamazdı:

Yazını olduğu kimi təqdim edirəm (mənbə):

Salam, fikirşünaslar. Dünən həyatımın növbəti əsas qərarlarından birini verdim. Forum açılmayacaq! Elmar serverini bərpa etdikdən sonra bəlkə imkan oldu bütün yazıların arxiv kimi qalmasına, amma “fikrini.de” fəaliyyətini bir daha bərpa etməyəcək! Domeyn satılmır və heç kimə də kirayə verilmir, mənim şəxsi mülkiyyətim olaraq qalacaq.

Bəsdir daha onun-bunun nazını çəkdiyimiz, bəsdir daha boş yerə əsəblərimizi sərf etdiyimiz. Mənə deyən lazım idi ki, öz anasına, onun dilinə hörmət etməyən yoldan keçənlərə bu qədər zaman, əsəb, pul niyə sərf edirsən ki. Odur ki, bu fasilə-serverdəki problem, sən demə, xeyrə imiş. Həm də ötən həftə təsadüfən öyrəndim ki, daşım heç təsəvvür belə etmədiyim adamların da başına düşüb. Biri vaxtımı alır, digəri əsəblərimlə oynayır, başqa birisi pulumu götürüb aradan çıxır, digəri gəmidə oturub gəmiçi ilə dalaşmaqdan zövq alır və s. s. s. Bütün bu 5 illik fəaliyyəti boyu forumun mənə vurduğu maddi və mənəvi ziyan Vətən həsrəti ilə çırpındığım və divarlarına qısılaraq təsəlli tapdığım anlardan milyon dəfə çoxdur. Odur ki, əlvida, fikrini.de və fikrini deyənlər!

Forum ailə həyatımda narazılıq mənbəyi olan yeganə obyekt idi. Ailəm mənim üçün hamıdan və hər kəsdən üstündür. Foruma sərf etdiyim enerji və vaxtımı ailəmə, işimə həsr edəcəyəm. Ən əsası, artıq Bakı səfərlərimdə görüşmək məcburiyyətim olmayacaq heç kimlə. Bir neçə gün sonra burdan və eləcə də bütün messencerlərdən forum vasitəsi ilə tanıdığım və əlaqələrimin davam etməsini arzulamadığım bütün yoldaşları da siləcəyəm. Hamınıza uğurlar!

Göründüyü kimi insanı cana yığıblar. Ümumiyyətlə qonşu yazıda da qeyd etdiyim kimi Azərbaycan internetinin bəlası — başqasının uğurlarına kütləvi eqoizm, xainlik, imkan olsa birazda “samoreklama” və “mənəm-mənəmlik”dir. Bu yazını mən ümumiyyətlə Azərbaycan İnternetinin fəryadı adlandırardım.
Xoşnamusluqdan söz düşmüşkən, bu ay ana-bacılarını çölə qoyanlar indidə yerli sayt rəhbərlərini hədəfə alıblar. Müxtəlif tanışlıq saytlarında sayt rəhbərlərinin şəkillərini, telefon nömrələrini qoyub, onları təhqir edirlər… Aldığım məlumata görə xoşqeyrətlərin hərəkətlərindən artıq onlarla sayt rəhbərləri ziyan çəkib. Ziyan deyəndə — pərdə altında gizlənib, anonim olaraq onun bunun şəkilindən istifadə özü-özlüyündə acizlik və yazıqlıq əlamətidir. Belələrinə axı küçə söyüşündən başqa nə deyəsən?!… Heçnə… Odur ki, onların fəaliyyətini hüquq mühafizə orqanlarına tapşırıb, biz müşahidələrimizə davam edək.
Müşahidələrimi isə xüsusi olaraq Müqəddəs Ramazan ayı üçün hazırlanmış kiçik, amma faydalı bir proqramla davam edirəm. Kataloq.net saytın hazırladığı kiçik bu proqram (vidget) əslində böyük bir iş görür — namaz vaxtı göstərilir, özüdə müəyyən şəhərlər üzrə (əfsuslar olsun bütün rayonlar qeyd olunmayıb, yagin yeni versiyada buda həllini tapar). Mənim bu vidgetdə ən xoşuma gələn isə iftara nə qədər vaxtın qalmasını göstərməsidir. Bəyənilsin.
Vidgeti buradan yükləyə bilərsiniz.
Deyirlər “Sosial Yeniliklər Düşərgəsi” gəlir. Saytlarına daxil olub, bunun nə olduğu ilə maraqlandım. Amma bu sosial yeniliklərin nə olduğunu, mən bu işin içində olan adam anlamadım, təsəvvür edirəm sadə istifadəçilər nələr çəkir. =) Yagin “Barama” tipində bir şey olacaq, bu dəfə “İrəli”-dən. Hər halda yenilikdirsə, xeyirli olsun. Yeniliklər İnternet məkanımıza lazımdır.
Saytları bu ünvandadı, bəlkə Sizdə nəsə alındı. =)
Yeniliklər demişkən, bu gün mənə maraqlı bir link göndərdilər, elektron jurnaldı. İnternet istifadəçilərin maraqlandıran ən aktual suallar və onlara cavablar bu jurnalda təqdim olunur. Maraqlı başlanğıcdı. Xoşuma gəldi, əsasəndə “copyright” hissəsi — e-Hacı. Çox kreativ seçimdi. Elektron Hacılar erası başlayır, dəstəkləyirəm.
Jurnalı sizdə buradan yükləyə bilərsiniz.
Və sonda… vBulletin 4-ün bizə verdiyi əzablara baxmayaraq, Fox.AZ saytının forumuna tam yeni tərtibatda  start verdik. Xatırladım ki, Fox.AZ Forumu Azərbaycanda ilk ana dilində fəaliyyət göstərən forum olmaqda davam edir. Forumda bir çox məsələlərə dair müzakirələr aparılır… İndi qaldı Fox.AZ-ın ümumi səhifələrinə əl gəzdirmək. İrəli gedib onuda qeyd edim ki, Fox.AZ portalının yeni inkişaf strategiyasına əsasən tezliklə hal-hazırki və şəxsən mənimdə bəyənmədiyim bloq-versiyanın fəaliyyətinə xitam veriləcək, əvəzində isə tam yeniləmiş və gənclər üçün nəzərdə tutulan informasiya-əyləncə portalı fəaliyyətə başlayacaq. Artıq bu yönümdə işlərə başlanıb.
Forumda müzakirələrə qoşulmaq üçün bura tıklayın.
İstilərə və Avqust ayının passiv olmasına rəğmən, Azərbaycan İnternet məkanı üçün 3-4 gün ərzində kifayət qədər tutarlı xəbərlər var. Görək başımıza nə gəlir.
Allah köməyimiz olsun!

Bu günlərdə Milli Elmlər Akademiyasının saytın axtarırdım. Həmişəki kimi Google-da sorğunu yığdım və nəticə məni şoka saldı.
Nəticə isə onu göstərir ki, bəs http://kamran-petux.da.ru domen adı altında Azərbaycan Respublikasının Milli Elmlər Akademiyasının rəsmi veb səhifəsi yerləşir.
Sözü gedən saytın kodun biraz analiz etdikdən sonra məlum oldu ki, bu sadəcə freymdi, faktiki olaraq sayt science.gov.az veb ünvanına yönlənir. Məsələ ilə bağlı müraciət etdim Google-a, “Milli Elmlər Akademiyası” sorğusunda kamran-petux.da.ru saytının ləğv edilməsi ilə bağlı. Səbəb — Azərbaycanı alçaltmaq cəhdi və faktiki saytın olmamağı (yalnız qeyd etdiyim kimi yönləndirici freym var). Sağolsunlar, bir həftə ərzində biabırçı domen adı sorğu nəticəsindən yığışdırıldı.

Amma… Amma bilmirəm bu kiminsə şəxsi qərəzliyi idi, ya ironiyası… domen adı elə Azərbaycan elminin hal-hazırda hansı səviyyədə olduğunun göstərici idi — universitet və məktəblərdə açıq-aşkar rüşvətxoluğun tüğyan elədiyi, heç bir elmi nailiyyətlərin olmadığı bir vaxtda, Azərbaycan elminə elə bu tip domen yaraşır.
Mövzuya dair forumda müzakirələr ↓
Elmlər Akademiyası «kamran-petux» domeni altında?!

Nəyə görə Azərbaycan İnternet məkanında hələdə tutarlı biznes layihə yoxdu?! Niyə? Gəlin səbəbləri bir-bir araşdıraq.
Faktor 1 — Diqqətsizlik
Azərbaycanda “İnternet” ümumiyyətlə uşaq işi sayılır — neft pullarının sağa-sola xərcləndiyi bir vaxtda heç kim “uşaq” işi ilə ciddi məşğul olmaq istəmir.
Faktor 2 — Maliyə çatışmamazlığı
Yuxarıda göstərilən faktor nəzərə alındıqda, İnternet məkanımızda layihələrin dəyəri yüz minlər-milyonlarla deyil, ən yaxşı halda on minlərlə USD ilə ölçülür. Belə olan halda həm layihələrin həcmi tutarlı dərəcədə kiçilir, həm büdcəsi milyonlar olan əcnəbi saytlara keyfiyyətdə və xidmətin göstərilməsində, istifadəçiyə çatdırılma səviyyəsində uduzur.

Faktor 3 — Uğurlarımıza qarşı kütləvi eqoistlik
Azərbaycan xalqının yüz illərlə müxtəlif imperiyaların əsarəti altında qalması, xalqımızın özünə dəyər verməməsinə, “kölə” təfəkkürünün yaranmasına gətirib çıxarıb. Gurultulu bir layihə yaratsan belə, bizim xalq həmən bunu özgəsi ilə müqaisə edib, özümüzünkini alçaldacaq, xoş sözlər əvəzinə acılayacaq. Özüdə bu kütləvi halda baş verir… Bundan sonra layihə yaradıcıları məyus olmasın?!

Faktor 4 — Bizim xalq üçün “özgə malı daha şirindi”
Ümumiyyətlə, xalqımızın özgə malına meyli olmasıda burada əsas yer tutur. Eyni səviyyəli xidmətlər həm bizdə, həm əcnəbilərdə olduğu zaman, hər kəs nədənsə əcnəbi xidmətlərdən istifadəyə üstünlük verir. Yagin özgə malı dadlı olur, yada burada primitiv biganəlik, eqoistlik, qonşunun qabağa getməsini istəməmək prinsipi üstünlük təşkil edir… Hələ böyük şirkətlərimizin “böyük” layihələrin əcnəbilərə tapşırılmasını demirəm…
Faktor 5 — Kiçik dövlət, kiçik bazar
Azərbaycanın kiçik, hətta deyərdim miniatür bir dövlət olmasınında burada öz rolu var. Belə ki, Rusiya İnternetində adi bir sayta gün ərzində 50 min istifadəçinin daxil olması normal sayılırsa, Azərbaycanda bu yalnız top saytlara qismət olur, oda nəsə qeyri adi bir hadisə baş verdikdə.
Faktor 6 — Kölə təfəkkürünün yaratdığı növbəti problem — öz dilimizi bəyənmirik
Azərbaycan İnternet məkanında tutarlı bir sayt açmaq üçün, ilk öncə saytı Azərbaycanca deyil, rus (!) dilində açmaq mütləqdir. Çünki, hər kəs hesab edir ki, sayt rus dili olduqda, o daha “prestijnı” olur, “elitar təbəqə”, “ziyalılar” istifadə edir”…
Faktor 7 — Tənbəllik faktoru
Ümumilikdə biz çox tənbəl, çox yeyən və istirahəti sevən bir xalqıq. Nəzərə alsaq ki, səviyyəli sayt yaradılmasına titanik səylər tələb olunur, onda bu saytların yaradılması qenetik cəhətdən bizlik deyil. =) Amma bizim milləti qınamalı deyil, neft pulları bizi ərköyünləşdirib — veb texnologiyalara sərf etdiyi vaxtın 10%-ı digər aktual sahələrə sərf etsə (məsələn tikinti sektoru), həm 100 qat daha çox pul qazanar, həm istirahətindən qalmaz.

Faktor 8 — İnternet qoşulmanın fantastik qiyməti
Nə qədər rəsmilər and aman etsələrdə, Azərbaycanda İnternet qonşulara nisbətdə hələdə fantastik qiymətə satılır. Məsələn, biz 20 manata (24 USD) cəmi 1024 kbsp sürətdə ADSL-ə qoşula bilərik, amma qonşu Gürcüstanda həmən sürət bizim pulla maksimum 6,8 manatdır (8 USD)!
Faktor 9 — Hər birimiz bir dahiyik?!
Azərbaycanlıların daha bir xüsusiyyəti — fərdilikdir. Hər kəs özünü dahi, hər kəsdən üstün hesab etməsi ona gətirib çıxarıb ki, nəticədə heç kəs sağlam tənqidi qəbul etmir, öz üzərində işləmir və ortaya aşağı səviyyəli bir məhsul qoyub onu premium hesab edir… Biz sözlə yerimizdə çobalayırıq.

Faktor 10 — Birliyin olmaması
Burada da fərdlik faktoru öz rolunu oynayır. Biz bir kollektivdə işləməyi, bir yerdə nəsə yaradıb irəli getməyi deyil, hər zaman fərdi olaraq öz şirkətimizi qurmağa, hər şeyin özümüzə aid olmasına çalışırıq. Amma unuduruq ki, güc əslində birlikdədi, “fərdi” olub sıradan biri olmaqdansa, “bir olub” lider olmaq daha yaxşıdı.
Nəticə — Əgər bütün bu sadaladığım faktorların 1/3-i adlaya bilsək, fikrimcə bizi dəyərli layihələr gözləyir… Deməli, ya gərək gecələr belə yatmayıb öz üzərimizdə işləməliyik, yada neft pullarının hesabına sürünməkdə davam etməliyik, hər şey özümüzdən asılıdır.

Nə deyim, Allah köməyimiz olsun!
Mövzuya dair forumda müzakirələr ↓
Azərbaycan İnternet məkanı (Anti-inkişaf faktorları)

Nokia batmaqda davam edir… Bir tərəfdən Google Android platformalı telefonlar, bir tərəfdən əfsanəvi iPhone demək olar ki, N seriyalı smartfonların satışını minimuma endirib.
Nə yeni çıxmış X6 vəziyyəti dəyişə bildi, nədə N900.
Fikrimcə, günah Nokia-nın Microsoft-un yerişini yeriməkdədi —  Nokia-nı əsas rəqibləri olan Siemens və Motorolanı sıradan çıxardıqdan sonra arxayınlıq hiss bürüdü, necə Microsoft arxayınlaşıb 6-7 ilə bir Windows buraxırdı, Nokia-da gedirə qalmış Symbian-dan əl çəkmək istəmirdi və nəticə olaraq tam passivləşdi. Elə bundanda istifadə edən rəqiblər yeni platformalar yaratdılar. Microsoft da bir vaxtlar eləbilirdi Apple-ı məhv edib, amma zaman göstərdi ki, heçdə belə deyil. Hal-hazırda Apple-ın gəlirləri Microsoft-dan daha çoxdur, ümumi kapitalizasiyaya da görə isə Apple dəfələrlə irəlidədir.
Nokia-nın vəziyyəti Microsoft-a baxanda daha ağırdı, belə ki, rəqibləri tərəfindən həmlələrlə qarşılaşan Nokia indi eyni zamanda bir neçə şirkətlərlə rəqabətə girişib, amma əfsuslar olsun ki, uduzur. Onun istehsal etdiyi telefonlar nə Android platformalı telefonlara rəqibdi, nədə ki Apple iPhone-a. Nokia artıq özüdə etiraf edir —  N Series tam olaraq smartfonlar bazarını uduzdu. İndi 10 alınmış smartfona yalnız 2 Nokia düşür — qalanı ya RİM (Blackberry), ya Android platformalı, yada iPhone-du.
Növbədə orta səviyyəli 100-300 manat arası olan telefonlar arasında liderlik müharibəsidi — burada isə Nokia-nı gündə bir yeni telefon çıxaran və dinamik inkişaf edən Samsung gözləyir.

Maraqlı qrafik — şirkətlərin gəlirləri (göy rənglə ümumi olaraq Nokia, HTC, RİM (Blackberry), Motorola, SE, açıq göy rənglə isə Apple göstərilib). Vəziyyətin Nokia üçün necə acınacaqlı olduğunun tam sübutu.

Nokia isə çıxış yolunu yenədə Microsoft-un yolu ilə getməkdə görür — Windows 7 kimi, oda ictimai şəkildə smartfonlar yaratmağı planlaşdırır. Belə ki, şirkətin rəsmi bloqunda artıq istifadəçilər gələcəyin smartfonunun görünüşünü özləri seçə bilərlər.
Şəkillərlə sizdə tanış olun:





Konseptlərə baxdıqda gələcəkdə bizi Nokia-dan gözəl telefonlar gözlədiyini görərik. Amma Nokia-da unudurlar ki, əsas olan tək xarici gözəllik yox, proqram təminatıdır. Geridə qalmış və tormozlu Symbian-la heç bir gələcəkdən danışmaq olmaz. Faktda onu göstərir ki, inkişaf tempinə görə Symbian Android və iOS-lə müqəisədə ən azından 20 (!) dəfə geri qalır.  Deməli tam yeni OS yaratmaq lazımdı, anons edilmiş Symbian^3 və Symbian^4 vəziyyəti dəyişən deyil.
Nokia-nı tam iflasdan qurtaran onun brendinə kütlə arasında olan rəğbətdir. Amma unutmaq olmaz ki, kütlə tez sevdiyi qədər, tezdə unudur… 😉
Mövzuya dair forumda müzakirələr ↓
Nokia batmaqda davam edir…

Start veriləcək yeni layihəmizlə bağlı şirkətimiz gənclər arasında kiçik araşdırma apardı. Sorğunun nəticələri çox maraqlı olduğundan sizinlə bölüşürəm.
Belə ki, “Bu yay nə etməyi planlaşdırırsınız?” sualına aşağıdakı kimi cavablar oldu:
48% —  Dəniz sahilində istirahət etmək;
14% — iPhone almaq;
12% — Röya və Zamiqin konsertlərinin heç olmaya birində iştirak etmək;
08% —  Yeni işə düzəlmək;
08% — Türkiyəyə getmək;
06% — Azercell-də işə düzəlmək (!) (Qeyd, deyəsən Azercelldə vakansiya bolluğudu);
04% — Fikirləşməmişəm.
Onuda qeyd edim ki, sorğuda 16-30 yaşadək 160 respondent iştirak edib.

“Sizi həyatda hal-hazırda daha çox nə maraqlandırır?” sualına isə aşağıdakı cavalar oldu:
32% — İstirahət;
24% — Odnoklassniki.ru;
13% — Yeni işə düzəlmək;
12% — Sevgilim;
08% — iPhone;
05% — Avtomobillər;
03% — Playstation;
03% — Fikirləşməmişəm.
Bu sorğuda 14-30 yaşadək 140 respondent iştirak edib.
“Ən böyük arzunuz nədir?” sualına isə aşağıdakı cavalar oldu:
26% — Avtomobil sahibi olmaq;
21% — iPhone4;
19% — Ailə qurmaq;
17% — Ev sahibi olmaq;
07% — Dünyanı gəzib-dolaşmaq;
05% — Vəzifə sahibi olmaq;
02% — Velosiped sahibi olmaq;
01% — Ölkəmizin Qarabağa sahib çıxması;
01% — Müğənni olmaq;
01% — Fikirləşməmişəm.
Bu sorğuda 14-30 yaşadək 220 respondent iştirak edib.
Bir başa  layihəyə aid olan sualımıza “Siz mobil əyləncə xidmətlərindən istifadə edirsiniz?” isə aşağıdakı kimi cavablar oldu:
56% — Hərdən, artıq kontur olanda;
31% — Mütamadi olaraq;
08% — Puluma qıymıram;
05% — Mobil əyləncə nədir?!
Bu sorğuda 12-30 yaşadək 400 respondent iştirak edib.
Sorğudanda göründüyü kimi, hal-hazırda Azərbaycan gəncliyini maraqlandıran Top3-lüyə — Röya və Zamiq, iPhone və Odnoklassniki.ru saytı daxildi.
Ən kədərləndirici fakt isə Qarabağ problemi ilə gənclərin cəmi 1%-i maraqlanmasıdır.
Mövzuya dair forumda müzakirələr ↓
Azərbaycan gəncini bu yay nə maraqlandırır?!

WordPress dünyanın ən geniş yayılmış pulsuz CMS-i olmaqla yanaşı, eyni zamanda ən çox pullu funksiyaların təklif edildiyi CMS olaraq qalır.
Bundan narahat olan CMS yaradıcısı Matt Mullenweg bir-bir pullu servislər göstərən şirkətləri məhkəməyə çəkir. Belə ki, Matt Mullenweg-in növbəti qurbanı Theis şablonunun yaradıcısı və onu pulla satışa buraxan Chris Pearson-dur. Matt Mullenweg-in fikrincə WordPress üçün yazılan bütün şablon və əlavələr sırf CMS üçün nəzərdə tutulur və onun ayrılmaz tərkib hissəsi olduğundan pullu ola bilməz! Amma Chris Pearson onunla razı deyil, çünki hesab edir ki, o öz zəhmətini satışa buraxıb.

İnsanlıq və zəhmət söhbətin kənara qoyub, məsələyə proqram təminatı tərəfdən baxdıqda, məhz Matt Mullenweg-in haqlı olduğunu görərik. Niyə? Çünki heç bir şablon CMS-siz fəaliyyət göstərə bilməz. Ümumiyyətlə şablon şablon olaraq qalır, o yalnız CMS-in ümumi kodlarının özündə cəmləşdirir və bütün funksiyaları yenədə CMS təşkil edir. Və nəzərə alsaq ki WordPress GPL lisenziyası əsasında yayılır (bu lisenziya proqramların azad yayılmasını nəzərdə tutmaqla yanaşı koda dəyişikliyi əngəlləyir), onda yazıq Matt-ın haqlı olduğunu görərik.
Bu əslində çox sevindirici bir xəbərdir —  özgənin zəhmətinə bir quş qoyub özününki kimi təqdim etmək və ən əsası pulsuz olanı pulla satmaq artıq adət halını alıb.
Mövzuya dair forumda müzakirələr ↓
WordPress-in başı dərddə?