Pərvin Şükürzadənin bloqu
Pərvin Şükürzadənin bloqu

Faşizm. Facebook. Hava. Zirəddin. İşıq

Faşizmə qalib gələn ölkənin baş meydanı — Kremlin önündə faşistlər toplaşıb nasist “çesti” verirlər, amma buna Rusiya hakim qüvvələri göz yumur. Bu canlarını faşizmə qarşı şəhid etmiş bütün qəhramanlar üçün təhqirdir!
Faşizm. Zaman göstərir ki, ümumiyyətlə bu terminin altında gizlənən ideologiyanı qınayanlar, bir müddət sonra elə özləri bu ideologiyanın daşıyıcıları olurlar. Götürək İsraili. Faşizmdən ən çox ziyan çəkən xalqı təmsil edən bir ölkə indi özü dünyanın nömrə bir faşist ölkəsidir — xüsusi anklavlar yaradır, bütöv bir ərazini mühasirədə saxlayır (Qəzza zolağı), vətəndaşları cuhud və qoylara (gəlmələr, yəni 2-ci dərəcəli insanlar) bölür və s…
Digər faşist ölkə bədnam qonşularımızdır. “Məzlum” ermənilər də guya türk “faşizmindən” əziyyət çəkdiklərini dayanmadan dünyaya car çəkirlər, amma tarix boyu özləri özgəsinin ərazilərinə göz qoyub, soyqırımlar törədiblər. Ən son olaylar — 20-ci əsr boyu onların hoqqaları və son Qarabağ müharibəsində hansı vəhşilikləri sınaqdan keçirdiklərini xatırlamaq kifayət edər.
İndi bu xəstəliyə onsuz da şovinistliyi ilə ad çıxaran Rusiya düçar olub. Faşistlər ağına-qarasına (qafqazlı, asiyalı, qara dərili onlar üçün fərq etməz) baxmayaraq hər kəsi atırlar ayaqlarının altına. Rəsmlər rəqəmləri gizlətsələr də, son sutka ərzində təkcə Moskva ərazisində milli zəmində yaranan münaqişələr zamanı 18 (!) nəfər bıçaqlanıb. Dəhşətli rəqəmdir. Bunların əskəriyyəti qırğız, çeçen, inquş, dağıstanlı, ermənidir. Amma aralarında yenə bir azərbaycanlı var. Belə görünür ki, bu olaylar Rusiyanın baş bilənləri tərəfindən idarə olunur. Çox mürəkkəb bir oyun gedir. Axırı Rusiyanın dağılması, vətəndaş müharibəsi ilə nəticələnsə, sevinərik. 😉

Sevinərik. Müxalifət Facebook adı çəkiləndə çox sevinir. Sosial şəbəkələr populyarlaşandan müxalifət virtual aləmə yaman girişib. Çoxdandır sözlərini kütləyə çatdırmağa səviyyəli bir tribunaları yox idi, nəhayət virtual da olsa, Facebook-u tapdılar. İndi sosial şəbəkələrdə iştirak edib, iqtidar yönlü olmaq dəbdə deyil, həmən insanı qınayarlar. Hər kəs olub “inqilab” ruhlu. Maraqlısı da odur ki, bu qınağı ağlı kəsən də edir, hadisələrdən bixəbər də. Əsil kütlə təfəkkürü. Bu radikal sosial kütləni idarə edənlər nə gözlərimizi mazol edən dəyişməz partiya liderləridir, nə də ki, onların funksionerləri. Kütlənin idarəsiylə bu saat bir neçə özlərini müstəqil adlandıran gənc məşğuldur. Məhz onların qərarları ilə kütləvi etiraz aksiyaları (məsələn son aksiyaları — avatar dəyişmə) keçirilir. Gülməli bir tendensiya — onlar (idarə edənlər) hakimiyyətə qarşı bir şüar yazdısa, kütlənin təmsilçiləri mütləq ona öz rəyini bildirməlidir, özü də iqtidarın ünvanına kəskin şəkildə fikrini bildirməklə. Hələ kimsə rəyinə bir iki təşəkkür də atsa, onda olur lap “fısqırığ” — bundan yoxdur. =) Bir sözlə, indi hər kəs Facebook vasitəsilə “samovırajatsa” etmək, seçilmək istəyir.
Əslində, bunu yazmaqda məqsədim başqadı. Şəxsən mən azad fikirin tərəfdarıyam, hər kəsin öz fikrini bildirməyə haqqı var, bunu bizə Konstitusiyamız verir, amma şəxsiyyəti təhqirlə dolu yazılar heç bir halda yox verilməzdir, bu demokratiya deyil, bu özbaşınalıqdır. Təhqir — demokratiya deyil. Demokratiya — özbaşınalıq deyil.
Bir də ki, Azərbaycan reallığı onu göstərir ki, Facebook siyasi abu-havanı dəyişə biləcək gücə malik deyil. Düzünü zaman göstərəcək. Hava demişkən, deyəsən “dünya şöhrətli” ekstrasensimizin proqnozları puç oldu. Deyilənə görə Zirəddin müsahibələrin birində bu ilki qışın çox sərt keçəcəyini demişdi. Hətta insanların donmasına dair də proqnozları yer alırdı. Deyir sən saydığını say, fələk gedib kalkulyator gətirməyə… Ay Zirəddin sənin işin gücün yoxdur?! İndi qış üzünə həsrətik…
Həsrətik. Yasamal camaatı da bu gün işıq üzünə həsrət qalıb. Analoqu olmayan Bakıelektrikşəbəkə qışın heç iyi gəlməmiş enerjini fasilələrlə verməyə başlayıb. :hm:
Mövzuya dair forumda müzakirələr ↓
Son olaylar. Nələr baş verir?!

İşıqsız. Qazsız. Susuz. 3D. Həyatımdan bir gün

Keçən yazılarımda da qeyd etdiyim kimi, bir həftəyə yaxın davam edən su qıtlığından sonra, indi də Yasamalı işıq, qaz problemi öz cənginə alıb. Dünən demək olar ki, bütün Yasamalda qaz gəlməyib, gündüz saatlarında isə işıq olmayıb. Analoqu olmayan qaz idarəsinə zəng vurmaq ümumiyyətlə mənasız bir şeydir, işıq idarəsindən isə adət üzrə bildirildi ki, “avariya” var.
Nəsə. Gündəlik velo-gəzintimdən sonra duş qəbul etmək istədim… hm, qaz yoxdur… biraz əsəbləşib işlərimin dalınca getmək istəyirdim ki, işıqlar söndü… bizdə də qarajın qapısı işıqla açılır. Deməli bu gün maşınsız olacam. Bütün planlarım alt üst oldu. Bütün görüşləri ləğv edib, evdə işləmək qərarı verdim. Günortaya kimi evdə işlədim, sonra bezib, qərar verdim taksi ilə hərəkət edim. Elə taksi tutmuşdum ki, qarovulçu telefonla xoş xəbəri çatdırdı — gözün aydın, işıq yandı. Sanki 20-ci ərsin ilk illərini yaşayan bir insan kimi işığın yanmasına uşaq kimi sevinib, qaraja sarı qaçdım…
Nəhayət, bu gün 3D filmə baxdım. Əla. Xoşuma gəldi. Metronun önündə 2 manata satılan “deşevka” 3D eynəklərdən fərqli olaraq bizim kinoteatr Azərbaycandakı eynəklər bahalı (özlərinin dediyinə görə 80 Euro) və keyfiyyətlidir. Özü də Dolby Stereo texnologiyasının dəstəyi ilə (məgər bu səs standartı deyil?!). Filmə baxdıqda gözlər demək olar ki, ağrımır. Düzdü 2-3 saatdan sonra görməyimdə nəsə ikiləmə + gərginlik hiss edirəm, amma dəyər. Yeri gəlmişkən, siftəm Meqakəllə (Megamind) filmi oldu. Xeyirlisi, İnşallah.
Evə gəlib çıxmışam… İTV-dən deputatlığa namizədlər yenə Alfa-Sentavrdan, Aldebarandan dəm vurub, fantastik vədlər verirlər… Adamı lap gic gülmək tutur. Açığı mən heç bilmirəm Yasamal seçki dairəsindən deputat kimdir, amma bir faktı bilirəm ki, bu qədər problemi olan bir rayonun namizədləri qeybi hadisələr və özlərinə aidiyyatı olmayan işlərdən yox, aktual problemlərdən dəm vurub, həll yollarını axtarsalar lap yaxşı olar.

PS. Bu arada Landmark-da da bu gün işıq sönüb. Qarajdan maşınları çıxara bilmirdik.
Mövzuya dair forumda müzakirələr ↓
Həyatınızdan bir gün!

Mövzular

Resenziyalarım

Siyasi mülahizələrim

Gündəm

Səyahət qeydlərim

Olaylar

Marketing, PR

Sorğular

Elm

Rubrika: Düşmənlər

Rubrika: Sözsüz

Rubrika: Tarixi sual

Telekanalizasiya

İnternet

Azərbaycan İnterneti

Testlərim

Texnoloji aləm

Mobil dünya

Avto-dünya

Təqvim üzrə keçid

Bloq üzrə axtarış

Layihələr

STUDIO.AZ

EURONET

FOX.AZ

Islamic Network

İzləmə sistemləri

RSS və ya Atom