Azərbaycanda hələdə alternativsiz olan Azərbaycan kinoteatrı iyul ayından etibarən qiymətləri yenidən qaldırdı. Belə ki, 8 manata olan seans artıq 10 manatdır. VİP salonda isə filmə tamaşa etmək artıq 15 manata başa gələcək (əvvəllər 10-12 manat idi).

Qiymətlər özü-özündən niyə belə artdı sualıma, kinoteatrı təmsil edən xanım qiz deməyə tutarlı bir söz tapmadı, dedi yuxarıdan qaldırıblar — bizdə satırıq, amma bizim özümüzədə maraqlıdır, qiymətlər niyə qalxdı.
Onuda qeyd edim ki, Azərbaycan kinoteatrı 3D filmləri dəstək etmək imkanından məhrumdu, bütün filmlər köhnə “dədə-baba” üslubu ilə göstərilir. 3D filmlər göstərilsə onun bizlərə neçəyə başa gəlməsini bir anda təsəvvür etsək…
Maraqlısı isə odur ki, yaxın qonşularımız olan Ukrayna və Rusiyada bir seans üçün orta qiymət 5 USD təşkil edir, buda bizim pulla hardasa 4 manat edir.
Deyəsən sadə insanlar yenədə “analoqu” olmayan kinoteatrın soyğunçuluq siyəsətinin qurbanı olurlar… Allah köməyimiz olsun.
Mövzuya dair forumda müzakirələr ↓
Kinoteatr Azərbaycan qiymətləri növbəti dəfə qaldırdı

Biz azərbaycanların xüsusiyyətlərindən biri, deyərdim ən əsası — bəhsçilikdir.
“Qonşumda biri varsa, məndə onun 10-u olmalıdır” prinsipinin yenidən aktuallaşıb.

Son zamanlar Opera Lounge bir çox iş adamının gözünə dağ olub, “Opera Lounge`ın qabağında full maşınlar dayanır, yagin bomba pul qazanırlar, gərək birində mən açam…” kimi söz-söhbətlər artmaqdadır.
Yadımdadı bir vaxtlar “moda” çay evləri açmaq düşmüşdü, indi isə əcnəbi “lounge” sözü dəbdədi. Belə ki, çay evləri tələm-tələsik lövhələrin daha “sovremennı” olan lounge sözlərinə dəyişirir. Yasamal Lounge, Qarachukhur Lounge, Sabir Lounge kimi lövhələri görəndə lap gülməyim gəlir.
Təəssüf doğuran əslində bəhs söhbəti deyil, təəsüf doğuran odur ki, 20 illik müstəqillik dövründən sonra milliləşmək əvəzinə orta təbəqə (və onun sitayiş yeri olan yuxarı təbəqə) daha çox öz dilimizə deyil, digər dillərə müraciyyət edirlər, sanki bununla onlar hər kəsdən fərqliliyin göstərmək istəyirlər. Bu yerdə deyiblər “qından çıxıb qınını bəyənmədi”…
Mövzuya dair forumda müzakirələr ↓
Opera Lounge sindromu və ya ondan məndə açım…